Aningaasat atorluarnerusinnaavagut
AWG-2016 uagutsinnut 50 million koruuninik akeqassaaq - Kalaallit Nunaanni timersornerupp iluani aningaasat pitsaanermik atorneqarsinnaappat
Kommuneqarfik Sermersooq aamma Namminersorlutik Oqartussat 2016'imi 50 million koruunit missaat Arctic Winter Games'inut atussamaarpaat. Sapaatip akunnerani ataatsimi timersortorpassuit atugassaat piffissami nunatsinni timersortartut aningaasakilliorfianni.
Aningaasat ilarpassuit VIP-cocktailituullutik nalliuttorsioqatigiinnerannut ammaanersiornermullu akisoorsuarmut atorneqassapput. Aningaasarpassuit tamakku immaqa pitsaanerusumik atorneqarsinnaagaluarput.
Nunatsinni timersoqatigiit unammiartornissaminnut aningaasanik amigaateqarput. Klubbit ineriartortitseqqinnissaminnut aningaasassaqanngillat. Timersorfiusinnaasunik amigaateqartoqarpoq soorlu ivigaasanik arsaattarfiit, sukuutsertarfiit, biathlonerfissat il.il. Timersortarfiit iluarsaanneqarnissaannut aningaasat amigaataapput. Sungiusaasut pitsaanermik akissarsialersorneqarnissaannut aningaasassaqanngilaq, timersornermik naleqqussaanissamut aammalu timersortartunik pitsaanernik ineriartortitsinissamut.
Taamaattumik Sermitsiaq.AG aperaaq, aningaasat pitsaanermik atorneqarsinnaannginnersut (Nammineq ataani isummerfissiami isummersorit).
Isummerfissiami nammineq siunnersuusiorsinnaavutit aningaasat sumut atorneqarsinnaanerinut.
Takorlooruk ukiut tamaasa 50 million koruunit nunatsinni timersornermik siuarsaanissamut atorneqarsinnaasuuppata, Danske Spil'init takkuttartut saniatigut.
Taava ukiut qulikkaarlugit AWG'mut aningaasat taama amerlatigisut ingerlanissaat akueriuminarnerussagaluarpoq.
Poorskip kingorna tallimanngornermi Sermitsiaq saqqummersussami AWG sammineqassaaq.