Aputsiaq kukkuneqanngitsumik ingerlavoq
Sisimiuni Snowboard GM danskit mesteriannit Simon Houlind, Hareskovimit tikeraartoqarput
Pingasunngornermi Snowboard & freestyle GM paasinarsivoq ulloq immikkut nuannisarfissaasoq. Aaqqissuisut silap qanoq innissaa eqqorluarsimavaat, unammersuarnermi unammissutaasartut pingaarnersaata Slopestyle - sialummit eqqorneqannginnissaa pinaveersaarniarlugu unammersuarnissaq ullormik ataatsimik siuartikkamikku.
Danskit mesteriat Simon Houlind, Hareskovimeersoq tikeraartorineqartoq, timmisartumit toqqaannartumik Tøsebakkeniliarpoq, Slopestylemik unamminerup allartiffissaanut.
- Taama misilittagaqartigisumik isiginnaarluni (Simon Houlind) assorsuaq alutornarpoq, taassuma peqataaneratigut soorlu allat pikkorinnerulaalersut qiimmanarnerulaarlunilu. Aputsiaq Kristensenip periarfissaq atorluarpaa, kukkuneqanngitsumik ingerlaarluni naliliisartunit bonusissutigisaminik. Taamaasilluni Aputsiaq Snowboard Slope- style nunatsinni pissartanngorpoq, Pierre Minik Lynge Sermitsiaq.AG'mut oqaluttuarpoq.
Slopestyle
Freestyle Ski angutini Claus Fleischer kuultinnappoq, misilittagaqarnerumaat soorlu Malik Berthelsen aamma Emil Brandt Olsen isiginnaartoralugit. Arnaq Jensen ippassaammat unamminermi normu 3'nngortarnini sukassaatigisimagamiuk ullumikkut pissartanngorluni kuultinnappoq. Torrallaaqaluni sisuvoq tullersortiminit pointinik sisamanik amerlanernik pissarsilluni.
Angutini inuusuttuaqqani snowboardimik unamminerni Snowball Nuuk pissarsiassaasinnaasut tamakkerpai Jonas Strømsted siullerpaajulluni, Niklas R. Petersen normu 2'nngorluni kiisalu Mathias Mark pingajuattut inissilluni.
- Neriuppugut pissanganartumik Rail Jam ingerlassinnaassallutigu, naak sialleraluaqisoq Pierre Minik Lynge oqarpoq.
Younger Boys Snowboard (0-7 ukiut)
1. Achibald Lennert (Snowball Sisimiut) 2. Henrik S. Hansen (Snowball Sisimiut)
Junior Boys Freestyle Ski (14-16 ukiut)
Nr. 1. Jonas Strømsted (Snowball Nuuk) 2. Niklas R. Petersen (Snowball Nuuk) 3. Mathias Mark (Snowball Nuuk)
Young Boys Freestyle Ski (8-13 ukiut)
1. Paalu Rosing (Snowball Nuuk) 2. Meino Pedersen (Snowball Nuuk) 3. Julius Brandt Sørensen (Snowball Nuuk)
Women Snowboard (17+ ukiut)
Nr. 1. Arnaq Jensen (Snowball Sisimiut) 2. Laila F. Salling (Hareskov Skiklub) 3. Rebekka Storch (Snowball Sisimiut)
Young Boys Snowboard (8-13 ukiut)
1. Anthon Siegstad (Snowball Sisimiut) 2. Tais Lennert Kjærsgaard (Snowball Sisimiut) 3. Daniel Birk (Snowball Nuuk)
Men Freestyle Ski (17+ ukiut)
Nr. 1. Claus Fleischer (Snowball Nuuk) 2. Emil Brandt Olsen (Snowball Nuuk) 3. Lars-Christian Heilmann (Snowball Nuuk)
Junior Girls Snowboard (14-16 ukiut)
1. Rina Olsen Lennert (Snowball Nuuk) 2. Ruth Fontain Berthelsen (Snowball Nuuk)
Men Snowboard (17+ ukiut)
Nr. 1. Aputsiaq Kristensen (Snowball Sisimiut) 2. Simon Houlind (Hareskov Skiklub) 3. Nukaaka Fontain Berthelsen (Snowball Sisimiut)
Junior Boys Freestyle Ski (14-16 ukiut)
1. Aputsiaq Lynge (Snowball Nuuk)
Paasissutissat allat uani