Uuliasiorneq soorlu sinnattupalaaq
Nunap inoqqaavi Nenet Ruslandip nunaannarsuani uuliamik nassaarneq sinnattupalaatulli misigisaqarfigaat. Greenpeace'p tamanna videoliaraa
Issittumi sumiiffinni assigiinngitsuni uuliasiorlutik qilleriviit ukiuni makkunani arlallit ingerlanneqalerput. Kalaallit Nunaanni, Alaskami Canadamilu issittumi uuliasiulersinnaaneq piareersarfigineqaleruttorpoq.
Ruslandimi inuiaqatigiit Nenet Issittumi uuliasiorluni qillerinerit misillerfigeqaat - misilliutit imaluunniit misilittakkat ilinniarfiusussat, uuliasiorluni qillerinerit ajorluinnartumik kinguneqarsinnaasut aallartinnginnerini.
Greenpeace allappoq, unalu video Nenet-itit akornanni immiussimasartik takutillugu.
- Russit naalakkersuisuisa uuliasiornissaq pilluartitsisussatup nalilikkap kinguneraa, nunaannarsuarmut tassunga uulia million tonsit arlallit ukiut tamaasa nunamut kuuinnartinneqartarnera. Nunap inoqqaavisa inooriaasiannut kulturiannullu ajorluinnartumik kinguneqarpoq, Greenpeace allappoq.