Ukioq manna Kalaallit Nunaata frimærkia toqqarneqartoq
Qaammatini kingullerni frimærkinik katersisartut nunarsuarmi tamaneersut "2011-mi Kalaallit Nunaata frimærkia"-nik toqqaaniarnermi peqataasimapput
Taamaalillutik katersisartut nunarsuarmi tamaneersut inuillu allat Kalaalli Nunaannik frimærkinillu Kalaallit Nunaanneersunik soqutigisaqarluarlutillu nuannarisaqarluartut toqqaaniarnermi peqataasinnaasimapput frimærkillu 22-t Post Greenlandimit 2011-mi saqqummersinneqartut akornanni nuannarinerpaasaminnik taasisinnaasimallutik.
"2011-mi Kalaallit Nunaata frimærkianik" taasissutiginninneq decembarimi 2011-miit marsip aallaqqaataanut 2012-imut Post Greenlandip katersisartunut atuagassiaa Greenland Collector kiisalu stamps.gl aqqutigalugit ingerlanneqarpoq.
- Frimærki ajugaasoq tassaavoq G472 - nunamik frimærki kusanartoq atuakkiortup assiliisartullu Ivars Silisip assilisaanik aallaaveqartoq. Ivars Silis 71-inik ukioqalereeraluartoq perngaammik frimærkiliaa pineqarpoq, Tele ilisimatitsivoq.
Se Ivars Silis’ vinderfrimærke her (desværre i lav opløsning)
Frimærki G472 septembarip 28-ani 2011-mi saqqummersinneqarpoq, siornalu Europami allakkeriviit mikisut suleqatigiiffianni Post Greenlandip ilaasortaaffigisaani Sepacimi ataatsimoorussamik saqqummersitsinermut Post Greenlandimit saqqummersitaalluni. Taasissutiginninnermi tullersortaasoq tassaavoq frimærki G471 Anne-Lise Løvstrømimit Nuummeersumit suliaq, pingajuuvorlu G475 norskimit Martin Mörckimit suliaq.
Italiamiut eqqugassat pingaarnersaannik eqquisoq
Taasivissat allagartaat taasisup aqqanik allaffigineqarsimasut tamarmik eqqugassat pingaarnersaata 10.000 koruuninik aningaasartallip makitsissutigineqarneranut ilaapput. Eqqugassat pingaarnersaannik makitsisoqarnerani eqquisoq tassaavoq Bonardo Enrico, Italiami Sampeyremeersoq.
Tasiilami atuarfiup pisortaa Jørn Holbech eqquisup iluanaaqisup aqqanik kiisalu "tuppallersaatinik" qulinik Årsmappen 2011-mik pinnattussat aqqinik makitsisuuvoq.
Årsmappen 2011-mik eqquisut tassaapput:
• Henning Nielsen, Aalborg, Danmark
• Leena Toivonen, Luvia, Finland
• R. Vitri, Crewe, Tuluit Nunaat
• Peter Haegele, Filderstadt, Tyskland
• Pauli Parkinen, Turku, Finland
• Monica Larsson, Huddinge, Sverige
• Leirvåg-Spoerri Ruth, Baden, Schweiz
• Kjeld Mathiasen, Nr. Nebel, Danmark
• Ms. N. Jansen, Alderney, Guernsey
• Gunner Møller, Randers NV, Danmark