Sisoraatinik oqilaniunnermi GM
Ukioq manna sisoraatinik oqilaniunnermi nunatsinni pissartanngorniunnermi peqataasut 160.
Arfininngornermi sisoraatinik oqilaniunnermi GM 2012 nal. 13 Aasianni aallartissaaq 160'inik peqataaffigineqarluni.
Ammaanersiorneq tallimanngornermi pivoq unammersuaqataasut ASP illuutaannit GU'mut ingerlaaqatigiinnerisigut, tassani siulittaasoq Conny Ostermann-Søholm unammersuarnernik ammaavoq.
Ukioq manna timersortartut peqataasussat timersoqatigiiffinnit makkunannga aggerfeqarput ISP Ilulissat, ASP Aasiaat, DSP Qeqertarsuaq, SSP Sisimiut, KS-69 Maniitsoq, NSP Nuuk/NUP Nuuk, Qup Qeqertaruatsiat, Qsap Qaqortoq. Naatsorsuutigineqarpoq oqilaniuttartut pitsaanerpaat ajugaanissaat ilaatigut peqataammata sapaatip akunnerata siuliani Arctic Circle Racemik ajugaasut Martin Møller aamma Niviaq Chemnitz Berthelsen.
Unammersuarnermi innarluutillit aamma peqataatinneqarput, tamatumuuna innarluutillit arfinillit taakkua saniatigut meeqqat 47't unammersuaqataassapput.
Unamminermi siullermi kombi ingerlanneqassaaq qangatoorneq sukuutsernerlu akuleruunneqarsinnaallutik. Meeqqat kingusinnerusukkut sukuuternermik teknikki atorlugu unamminerat ingerlanneqassalluni.
Unammersuarnerup pilersaarusiornera uani takusinnaavat