Sikunik alapernaarsuineq mingutsitsinikinneq

Kujataani sikunik alapernaarsuinermi helikopteri mikisoq nutaaq atorneqalissaaq - Air Greenlandimit attartukkamut taarsiullugu

OY-HHS perngaamik sisamanngornermi siuliani Narsarsuarmut mippoq. Assi DMIt atugaq. Assi: Mogens Overballe

Apriilip aallaqqaataa Air Greenlandip helikopteria Kujataani DMI sinnerlugu sikunik alapernaarsuilluni timmisartuussiunnaasaaq.

Helikoptereeraq nutaaq Backbone Aviation sikunik alapernaarsuuinermik pitsaasumik ingerlatsilissaaq

Suliassat qulimiguulimmik attartornikkut - Backbone Aviationip ungasinngitsumi suliariumannittussarsiuussinermi ajugaanermigut isumagisarilissavaa.

Narsarsuarmi sikunik alapernaarsuisut ukioq kaajallallugu sikunik sikorsuarnillu alapernaarsuinermik kiisalu kujataani angallatit aqqusissiuunnerannik ingerlatsivoq.

Helikopteri nutaaq umiarsuarmit Danmarkimit Nunatsinnukaanneqartoq sap. ak. marluk matuma siorna Nanortalimmut oqqunneqarpoq. Sap. ak. siuliani sisamanngornikkut perngaamik Narsarsuup tungaanut timmilluni.

- Soorunami pissangananngitsuunngilaq. Nanortalimmit Narsarsuarmut silagissuaq nuannisaqaluta pilersaarutillu naapertorlugit ingerlaarpugut. Maanna sikunik alapernaarsuinermik suliassat qilanaaralugit suliarinissaannut periareerluta, Backbonip aquttuunera, Søren Thor Jørgensen, DMI’mut oqarpoq.

Orsussamik 41 procentimik atuinikinneq
Backbones qulimiguullip Narsarsuarmit perngaamik sikunik alapernaarsuilluni aallannginnerani, Trafikstyrelsip piumasaqaatai naapertorlugit helikopteri sikuinik alapernaarsuisinnaanngorlugu aaqqissuunneqaqqaassaaq.

- Qulimiguulik nutaaq atorlugu atortut qanoq issanersut pissangagaarput, Sikunik alapernaarsuinermik suliallit pisortaat Eyðun Simonsen oqarpoq.

Backbones-helikopteri tassaavoq Eurocopter 120B Kolibri: Oqitsoq, multi-purpose, turbinedrevet enmotors helikopteri ataatsimik turbinemik motorilik, aquttup saniatigut ilaasunik sisamanik ingerlatsisinnaasoq, DMI ilisimatitsivoq.

Eurocopter 120B Kolibri akilersinnaaneruvoq sungiusimasamut naleqqiulluni nukimmik atuinikitsuulluni. Pisoqamit mikinerulaarpoq orsussamik 41 procentimik annikinnermik atuisuulluni, ”angajuminit” Eurocopter AS350 manna tikillugu atugaasumit nipikinnerulluni.

Naak, apriilip aallaqqaataani Air Greenlandip qulimiguuliutaa DMI’p alapernaarsuisuinik kujataani ingerlassiunnaartussagaluaq, DMI Air Greenlandimik suleqateqarnini ingerlatiinnassavaa, silasiortut Nunatsinni assigiinngitsunik suliaqartuarmata timmisartunik qulimiguulinnillu anganneqarnissamik pisariaqartitsiuartut.

Powered by Labrador CMS