Peqqinnissaqarfimmi pisortat peersitaanerat isoreqaa

- Peqqissaasut Kattuffiata aamma Kalaallit Nunaanni Nakorsat peqatigiiffiata pisoq ajuusaarnartutut isigivaat, Peqqissaasut qullersaannik aamma nakorsat qullersaannik suliunnaartisigallarneq ilimasaarinertaqanngitsumik kattuffiup peqatigiiffiullu ilaasortaasa akornanni eqqissisimajunnaarnerannik kinguneqarmat.

- Qularutissaanngilaq Kalaallit Nunaanni peqqinnissaqarfimmi sullivinni misisigissutsikkut avatangiisit sunnerneqarsimassasut taamaassalluni pisup erseqqissumik paasineqarnissaata tungaanut .

Taama tusagassiivinnut ataatsimut allapput Peqqissaasut Kattuffiat, Inuuti Fleischer aamma Kalaallit Nunaanni Nakorsat peqatigiiffiata siulittaasua, Jesper S. Olesen.

- Taamaattumik kattuffimmit peqatigiiffimmillu kaammatuutigaarput inuit pisumut attuumassuteqartut aamma nunatsinni peqqinnissaqarfimmi sulisut eqqissinissaat eqqarsaatigalugu pisumik suliaq piffissaq sivisuallaanngitsoq atorlugu suliarineqartariaqartoq.

- OKattuffiup peqatigiiffiullu akuersaarumanngilaat, suliunnaarsitsigallarneq tusagassiuutini sulisitsisuniit qisuariarfigineqarmat, inuit pisumut attuumassuteqartut atiisigut taaneqartut.

- Tamanna kattufiup peqatigiiffiullu assorsuaq isornartoqartippaat kikkut akisussaasuusimasinnaanerannik apeqqut suliluunniit paasineqanngimmat, Inuuti Fleischer aamma Jesper S. Olesen allapput.

Peqqinnissaqarfimmi aqutsinermik pisortaaneq Kurt Nielsen, nakorsaaneq Carsten Thordal aamma peqqissaasut pisortaanerat Lisbeth Lumby Rasmussen, sapaammi suliffimminnit tunuartitaapput. Nunatsinni peqqinnissaqarfimmi pisortaanernit sisamanit pingasut "aningaasarsiat eqqumiiginarsinnaasut" pillugit suliaminnik ingerlatseqqusaajunnaarput.

Peqqissutsimut pisortaqarfimmi pisortaaneq Ann Birkekær Kjeldsen, Sermitsiaq.AG'mut ilisimatitsivoq.