- Jens B, orulujunnaarlutit
Atassummiit Steen Lyngep oqaatigaa Demokraatit namminneq inissiat inissisimanerat akisussaaqataaffigigaat
Ippassaq internetimi allaaserisiami "Inissiapalaat kingornussimavagut" ineqarnermut naalakkersuisoq Jens B. Frederiksen nunatsinni inissiat pillugit uissuumminartunik oqaaseqareersorlu Atassut sassartaarpoq.
Læs "- Noget lort, vi har overtaget"
Illuatungiliuttut partiiata tikkuarpaa inissiat ukiorpassuarni aserfallassimasutm naalakkersuisuusut partiivi susassaqarfimmut akisussaasut nikerartarlutik.
- Aamma partiit allat illuatungiliuttuusimavut akisussaaqataaffigaat siusinnerusukkut suliniuteqartoqarsimannginnera. Siusinnerusukkut Demokraatit illuatungiliuttuunerminni nipangiinnarlutik pissutsit naammagiinnartarsimavaat. Taamaattumik Demokraatit akisussaaqataapput, Atassummiit Steen Lynge Sermitsiaq.AG-mut oqarpoq.
- Jens B. Frederiksenip aamma oqariartaaseq ilisimassajunnarsivaa "nipangiinnartoq akuersaartarpoq". Naalakkersuisut suli nutarterinissamut pilersaarusiorsimanngitsut erserpoq kingullermik INI-p ataatsimeersuarnerani siulersuisut tamarmik akerliullutik soraarmata.
Læs "S: Vi skal samarbejde - ikke beskylde"
- Taamaattumik Jens B. Frederiksen orulujunnaarluni sulilluni aallartittariaqarpoq nutarterinerit aallartillugit allat pisuuteqannaarunnaarlugit. Tamanna innuttaasunut pitsaanerussaaq, Steen Lynge erseqqissaavoq.