Taamaammat teriaqarpoq
Qallunaatsiaat Kalaallit Nunaannut teriaq eqquppaat. Maannali teriaq nunatsinni nassaasaassoq allatorluinnaq nunatsinnut pivoq
dUkiut 1000 matuma siorna qallunaatsiaat angalallutik aallakaasut uumasut iluaqqutigisinnaasatik kisiisa nassarneq ajorpaat, aammali terissat umiartoqataasarsimapput.
Terissat sananeqaataanik misissuinermi tamanna erserpoq. Terissat dna'vi Danmark, Sverige, Island, Storbritannien aamma USAmi paarlaaseqatigiinnikkut misissorneqarput.
Ilisimatusartut maanna paasisatik BMC Evolutionary Biology saqqummiussimalerpaat, taakkua norgemi illup iluata teriaanik, Mus musculus domesticus dna'vi assersuuppaat nunanilu tamalaani 1000'miit 1200'miillu nassaarineqarsimasut dna'vinik sanilliussisoqarluni.
Politiken naapertorlugu paasisat ersersippaat terissat qallunaatsiaat aqqutaannik malinnissimasut, Spiegel online allappoq. Terissat sananeqaataasa takussutissippaa inuit sumiissimanersut aammali uppernarsarlugu norgemi illup iluata teriaa Nunatsinni nassaassaajunnaarnikuusoq, maannami Danmarkip teriaa aqqutit allat atorlugit nunatsinni uumasunngorsimasoq.