Arfininngorpat qamiterissavit?
Silap pissusaa pillugu – nal. ak. ataaseq qulliit qamikkit
Suliffeqarfissuit, pisortat ingerlatsivii aamma namminersortut aammaarlutik kaammattorneqarput Earth Hour peqataaffigeqqullugu.
Earth Hour tassaavoq nalunaaqqutap akunnera ataaseq inuit millionilippassuit suliffeqarfiillu tusindelippassuit nunarsuaq tamaat qullernik qamitsinerat, silap pissusaata allanngoriartornera pillugu iliuuserisatut.
Ukioq manna qulleq qaminneqassaaq – iliuuserisassamik malinninniaraanni – arfininngorneq marsip 31’iat nal. 20.30-mit 21.30-mut.
Earth Hour ,Australiami 2007 aallartippoq taamani WWF, nunarsuarmi pinngortitamik illersuiniaqatigiit kikkunnut tamanut innersuussutigaa, silap pissusaa pillugu nalunaaqquttap akunnerani ataatsimi qullernik ikumasoqannginnissaa.
Taamanerniit Earth Hour ineriartupiloorpoq silap pissusaanut suliniutinit annersanngorluni ukiullu tamaasa alliartorluni. 2011 marsimi inuit millionilikkaat illoqarfinni 5200ni nunani 135ni qullitik qamiterpaat silap pissusaanut iliuuseqarlutik, nunarsuarmi suliffeqarfissuit pingaaruteqarnerpaat peqatigalugit – iliuuserisaq taanna inunnut 1,8 milliardinut siammaattutut tagginneqarpoq.
Iliuuserisamut peqataaniaruit uani nalunaarsorneqarsinnaavutit
Peqataassamaarpit?