CIAp timmisartuussisarsimaneri EUmit isiginiarneqartut
Marlunngornermi EU-parlamentip Bruxelles'imi CIA timmisartuussisarneri tusarniaassutigissavaa
Marlunngornermi EU-parlamentimi oqallisigineqassaaq CIAp pinerluttunik tigummisaminnik angallassisarsimanera.
- Europa Parlamentip 2007 aamma 2009mi CIAp Europamut tigusanik timmisartuussisarsimaneri akerlilerujussuarpaa, tigumasinik ingerlatsisarsimaneq nunanit EUmi ilaasortanit ikiorneqarluni ingerlanneqartarsimaneragaasoq.
EU-parlamentip inuit pisinnaatitaaffiinik, inatsisitigut nunanilu namminerni suliassaqarfiinik ataatsimiititaliaq (LIBE) nalunaarpoq.
Europa Parlamentip 2007imi 2009milu ilaasortat kaammattorpai inuit pisinnaatitaaffiinik innarliisimaneq tunngavigalugu taarsiiffiginnittoqarnissaanik suliaqaqqullugit siunissamilu taama pisoqaqqinnginnissaa anguniaqqullugu.
LIBEp siulittaasua Juan Fernando López Aguilar ataatsimiinnermi paasissutissat nutaanerpaat Danmark, Litauen, Polen aamma Rumæniamit saqqummiutissavai.
Danskit udenrigsministeriat Villy Søvndal aamma Naalakkersuisut siulittaasuat Kuupik Kleist novembarip aappaani siorna isumaqatigiissutigaat Dansk Institut for Internationale Studier (DIIS) misissussagaat Danmarkip USAllu akornanni CIAp unioqqutitsisumik timmisartuussisarsimaneri isumaqatigiissutaasimanersut.