Ole Møller toquvoq
Ole Møller Upernavimmeersoq sivisuumik parnaarussaanikoq sivikitsumik napparsimareerluni toqukkut qimaguppoq
Annonse
Sivisuumik parnaarussaasimasoq 66'inik ukiulik Ole Møller Upernavimmeersoq ukiup ataatsip missaannaanni parnaarussaajunnaarneq misigaa. Ole Møller pingasunngorneq marsip 21'at Hvidovre hospitalimi sivikitsumik napparsimareerluni ilaquttaminit ikinngutiminillu najorneqarluni toquvoq.
Ole Møller siorna februaarip 24'anni misiligummik anisinneqarpoq, ukiut 36't Herstedvesterimi parnaarussaaqqareerluni. Ullut 14'it ingerlaneranni Helligaandskirkemit ilisaassaaq.
Inunnik isumaginnittuusimasoq tusaamasap aamma toqukkut qimagutereernikup atuakkiortup Tine Bryldip ukiorpassuarni Ole Møller ikinngutigaa.