S akikitsunik sulisoqarnissaq mianersoqqussutigaa

Kalaallit Nunaanni Kinamiunik akikitsumik suliartortitat atorneqalissagaluarpata - Nunani Avannarlerni sulisussat pillugit isumaqatigiissutaasimasut sanioqqutissavaat

Kalaallit Nunaata Nunat Avannarliit Siunnersuisoqatigiivini isumaqatigiissutit naammassinngitsuussavai Kinamiunik sulisartunik akissarsiakitsut sulisorilissagaluarunigit. Assi: Sermitsiaq.AG

Issittumi aluminiumimik aatsitassanillu allanik piiaanissani pilersaarutit pillugit oqallinnerni pingaarutilinni Nunat Avannarliit peqataanerusariaqarput. Nunani avannarlerni isumaqatigiissutaasumik eqquisoqassammat, tamatumunngami tunngatillugu nunanit allanit suliartortussat pisariaqartut akissaataasa appasippallaannginnissaannut tunngassuteqarmat.

Nunani Avannarlerni Siunnersuisoqatigiit tusagassiivinnut allapput:

- Nunani avannarlerni sulisitsisut isumaqatigiissutaat Nunani Avannarlerni immikkuullarilluinnarpoq, taanna tunngaviuvoq nunani avannarlerni atugarissaarnermut. Isumaqatigiissut avaqqunneqassappat, tassa inuit ilaat appasippallaamik akissaarsersorneqarlutik sulisinneqalissappata ajornartorsiut allissaaq, piffissaq ungasinnerusoq eqqarsaatigalugu Nunat Avannarliit aningaasaqarnerannut killormut sunniuteqarsinnaasoq.

Naqissuserneqartariaqarpoq sulisitsisut aamma ILO-konventioninik isumaqatigiissutit nunani avannarlerni atuutsinneqarnissaat - aamma nunanit allanit suliartortunut. Nunat Avannarliit Siunnersuisoqatigiivini Socialdemokratertaasa SIK aamma GA paasilluarpaat, taakkua ataatsimoorullugu ernummatigimmassuk siunissami aatsitassarsiorfissuarnik pilersitsinissani Nunat Avannarliit Siunnersuisoqatigiivisa aamma Avannarlerni Ministerit Siunnersuisoqatigiivisa suliaminni maluginiarmassuk ukiuni aggersuni issittumi sulisoqarniarnermut tunngatillugu unammilligassat, soorlu Avannaata kujasinnerusuani tamanna pisariaqarsimasoq.

Apeqqutaavormi Kalaallit Nunaat ILO konventionimut isumaqatigiissummut ilaanersoq, taamalu sulinernut assigiinngitsunut isumaqatigiissutinik naammassinnittussaatitaanersoq - tamanna politikkikkut annertuumik sunniuteqassaaq, Alcoap piumasarimmagu Kalaallit Nunaanni aatsitassarsiornermi Kangianit sulisussat akikitsut atorneqarnissaat.

Powered by Labrador CMS