Hans-Jakob OL angunialerpaa
Freestylemi sisorartartoq Hans-Jakob Brandt Olsen, Nuummi sisorartartut peqatigiiffiannit Snowball'imeersoq ukiuunerani OL danskit/kalaallit peqataatitarisinnaalluarpaat
Hans-Jakob Brandt Olsen, Mammouth'imi Californiamiittumi sungiusartoq oqaluttuarpoq, 2014'imi Ruslandimi ukiuunerani OL ingerlanneqarnissaani Slopestylemi peqataaniarnissaq 100 procentimik aalajangiussimallugu.
Freestyleski-Slopestyle perngaammik olympiadernermi unammissutaassaaq.
Olympiademut anngunniarnermi peqataaffissaq siulleq tassaavoq De Danske Freestyle Mesterskaber, Frankrigimi ingerlanneqartussat. Ataasinngorpat Slopestylemi Danmarksmesteriunini Hans-Jakobip illersorniartussaavaa.
Hans-Jakob, ulluinnarni Oslomi angerlarsimaffeqartoq maanna Danmarkimi freestylertartut pitsaanersaatut naatsorsuutigisanut ilaavoq, ukiut marluk qaangiuppata Ruslandimi pissartanngorniunnerni peqataasinnaalluarluni.
Hans-Jakob Elite Sport Greenlandip tapersersugaraa.