Inip siulittaasuata matu matorluppaa
Nunatsinni ineqarnermik ajornartorsiorneq anigornialugu politikkerit suliniannginnerat siulersuisut nikinnerannik kinguneqarpoq
A/S Inissiaatileqatigiiffik Ini 22 minutsiinnarnik sivisussusilimmik ataatsimeersuarnera tupaallannartumik naammassineqarpoq, siulittaasoq entreprenør Erik Nørskov ataatsimiiffiup matua mattorlullugu anivoq, aamma siulersuisut tamarmik taarserneqarput.
Tamatuma saniatigut pisortaaneq Kenneth T. Hansen qaammat una naappat atorfimminit tunuarpoq, inissiaatileq atigiiffimmik ingerlatseqqittussat tamarluinnarmik taarserneqarput.
Erik Nørskovip Sermitsiaq.AGmut isertuutinngilaa, nunatsinni politikkerit ineqarniarnermut ajornartorsiutinik qaangiiniarumannginnerat pakatsissutigalugu:
- Ukiut marluk matuma siorna siulittaasutut toqqarneqarama, naalakkkersuisooqatigiinnissami isumaqatigiissummi ilaavoq ineqarnermut naalakkersuisoq Jens B. Frederiksen, A/S Inissiaatileqatigiiffik Inimut akisussaasuunerpaaq, piginneqatigiiffiup allaffissornermik ingerlatsinermit inissiaatileqatigiiffittut siammasinnerusumik suliassaqarfilittut ineriartortinnissaanik suliaqartussaavoq, soorlu nutarterinernik inissianillu atorunnaarsitsinernik pingaartumik inissiat oqummik eqqukkat, asbestitallit PCBmillu toqunartutalimmik akulinnik sanaartukkat piiarneqarnissaat naammassiniassallugu.
Inissianik nutarterineq unittuuinnikoq
-Arlaleriarlunga pisussanik takorluuisinnaanera tusakuluutigisarpara aamma pisumi matumani tamaattoqartoq oqaatigiinnarsinnaavara.
Inissiaatileqatigiiffittut ingerlalluartutut ingerlalernissaq anguniarlugu suliarineqarsinnaasut, suli atorfilittani politikkerinilu sanarfineqarput. Taamaattumik oqaatigiinnassavara A/S Inissiaatileqatigiiffik Inip siunnerfilimmik anguniagaq 2010mi aallartitarput ukioq ataaseq asuliinnartikkaa. Kingunipiluit annersaat: Inissianik nutarterineq nikeriaqqissimanngitsoq piffissallu iluani inissiat iluarsarneqarsinnaagaluit ingutsertariaannanngortut, Erik Nørskov tikkuaavoq.
- Ukiumoortumik ataatsimeersuarneq sioqqullugu piginnitsi, Namminersorlutik Oqartussat isumasiorneqarpoq siulersuisut ingerlatsiviullu suliassaasa imai pillugit, Erik Nørskov oqarpoq, kisianni erseqqissumik Inip siunissami ineqarnermut politikkissaa pillugu akineqanngilanga. Taamaattumik pissusissamisoorpoq, ataatsimeersuarnerup ingerlatsiviup nutaarluinnarmik siulersuisoqarnissaa qinerpaa.
Siulersuisut nutaat
A/S Inissiaatileqatigiiffik Inimut ataatsimeersuarnerup ilaasortanngortippai siulittaasoq Lissi Olsen (advokat, Ina:Nuna) aamma Jette Larsen (Pisortaq, Umiarsuaatileqatigiiffik Arctic Umiaq Line), Kristian May (piffissaq ungasinngitsoq tikillugu MTHøjgaardip suliffeqarfissuanut pisortaanerusoq) aamma Bjarne Krog-Jensen (inissiaatileqatigiiffimmi boligselskabet Fruehøjgaard, Herning pisortaaneq).
Paarlappaat siulittaasoq Erik Nørskov (entreprenør, Qaqortoq), Martha Abelsen (Kanukoka, siulittaasoq), Søren Alaufesen (Kanukoka, siul, tull.), aamma Aviaja Lyberth Lennert (Kompetencekompagniet, Nuuk, piginneqataasoq).
Sulisut sinniisaat
De to medarbejderrepræsentanter er Erik Jensen (inissiat aaqqissuussaannerannik sulialik, Sisimiut) aamma Jonas Jensen (Nuussuaq, suliassaqarfimmik ingerlatseqataasoq).
A/S Inissiaatileqatigiiffik Ini inissiat 8.528 attartortitarai. Namminersorlutik oqartussat pigai 6,336 inissianit taakkunannga 2.192 kommuninit pigineqarput.