Inuk maajimi Kalaallit Nunaanni takuteqqaarneqassaaq
11. maj filmi nersualaagaaqisoq kiisami Kalaallit Nunaanni takuteqqaarneqassaaq "Inuk" Nuummi sarsualerpat. Filmi Sisimiunut ingerlaqqissaaq
Filmi isiginnaagassiaq ”Inuk” Kalaallit Nunaanni nalliuttorsiorpalaartumik perngaamik Nunatsinni takuteqqaarneqassaaq, Nuummi kulturip Illorsuani maajip aqqarngani.
Filmi nutarsagaq pitsanngorsagarlu takutinneqassaaq. Isiginnaariat qaaqqusallu filmiliornermi ilitsersuisoq Mike Magidson, oqaluttualiamik allaaserinnittoq Jean-Michel Huctin, filmimi pingaarnertut inuttaq Ole Jørgen Hammeken isiginnaartitseqataasut peqatigalugit isiginnaassapput.
Inuk tusagassiivinnit arlalinnit malinnaaffigineqarpoq, nunanit tamalaanit filmi nersornaasiinerni ajugaasarmat.
Ukiut marluk ingerlaneranni nersornaatit 20t pissarsiarai. Kingulleq Australiami, Byron Bay Internationale Filmfestivalimi ukioq manna siusinnerusukkut pissarsiaraa.
Filmimik suliallit naapikkit
Sapaat maajip 13iat ilitsersuisoq, allaaserinnittoq aamma filmimi inuttat Katuap Inersuaaraani nal. 20.00 naapinneqarsinnaapput.
Pingaartorsiorpalaartumik takutitseqqaarnerup saniatigut meeqqat angerlarsimaffiini najugallit aamma utoqqalinersiutillit filmimik isiginnaartinneqassapput.
Filmi Sisimiuni maajip 16iani takutinneqassaaq. Maannakkut Ilulissani Uummannamilu takutinneqarsinnaanera sulissutigineqaleruttorpoq.