Qaasuitsumi pisortaaneq nutaaq
Apriilip ingerlanerani Lars Lennert Sandgreen Inuussutissarsiornermut suliffissaqartitsiniarnermullu pisortaanertut Qaasuitsup Kommuniani atorfinitsinneqassooq.
Lars Lennert Sandgreen apriilip ingerlanerani Qaasuitsup Kommuniani Inuussutissarsiornermut suliffissaqartitsiniarnermullu pisortaanertut atorfinitsinneqassooq.
Lars Lennert Sandgreen ukiorpassuarni Royal Greenlandimi aqutsisutut KNR-imilu pisortaanertut ilisimaneqarpoq.
- Qaasuitsup Kommuniani nuannaarutigeqaarput, Larsip maannga nuukkusussimanera, kommunillu ineriartornerani siammasissumik ukiorpassuarnilu misilittakkaminik tunniussaqarsinnaanera.
- Qaasuitsup Kommunia inuussutissarsiornikkut suliffissaqartitsiniarnikkullu unammilligassanik annertuunik peqarpoq, qularinngilarpullu Larsi taakkunani aqutsilluarsinnaassasoq naammassinnissinnaassasorlu sulinititigut siunissamut tulluussaanerni. Aalisarnermi allannguutissat, takornariaqarnermi suliniutit nutaat kiisalu aatsitassalerinermi periarfissat pisariaqartippaat nunatsinni inuiaqatigiit pissusaannik ilisimaarinnilluarnissaq, tamannalumi Larsip ukiorparujunni misilittagaqarluarfigaa, Qaasuitsup Kommunia nalunaarpoq.