Kangerlummi nanuaraateqarput
Kangerlummi Qeqertarsuarmiittumi nanuaqqamik nerlersuisugaqarput
Nanuaraq angajoqqaaverussimasoq Qeqertarsuup pigisaani Kangerlummiippoq.
Taama Arne Mølgaard Sermitsiaq.AG'mut oqaluttuarpoq.
- Ilumoorpoq. Nanuaqqamik Kangerlummi angalaartoqarpoq taannalu assut kaappoq. Nerisassarsiorsinnaanngimmat innuttaasunit nerlersorneqarpoq. Inuit isumaqarput arnaa aallaaneqarsimasoq kisimiilluni sissami angalaartarmat nunaqarfimmullu uteqqattaarluni inunnit isumagineqarluni.
- Nanuaqqat toqunneqaqqusaanngillat aamma mikeqigami uloriananngilaq. Angivallaannginnami. Isigai 12 centimeterinik angissuseqartut apummi tumiisigut uuttorneqarput. Mikisuaraavoq, Arne Mølgaard sapaammi Sermitsiaq.AG sinnerlugu Kangerlummut nanoq pillugu paasiniaajartortussaq oqarpoq.
- Kangerluk Qeqertarsuarnit 45 minutsit missaat angalareerluni tikinneqarsinnaavoq.
Nanoq sisamanngornermi takuneqaqqaarpoq takorloorneqarsinnaavoq Kangerlummi nerisinneqarnini pissutigalugu nunaqarfimmit qimagukkallarnavianngitsoq.