- Uagut aquttuusariaqarpugut
Taama oqarpoq USA´p præsidentia Obama om Kinas aatsitassat qaqutigoortut killilersorneqarnerat pillugu
Aatsitassat qaqutigoortut imaluunniit atortussiassat nunarsuaq tamakkerlugu soqutigineqaqaat. Qanga "kuultitut" isigisat tuniniarneqarneranni Kinap tunisassiornerup 95 procentianik ingerlatsivoq. Januaari qaammat EU'p tikkuarpaa, Kina WTO'p ileqqoreqqusaannik uniuisoq, tusagassiortunik katersortitsinermi ungasinngitsumi pisumi USA'p præsidentia Barack Obama oqarpoq, tuniniaaneq kingumut pissarsiarineqartariaqartoq.
- Siunissami nukimmik pilersuinissaq eqqarsaatigalugu upalungaarsimasariaqarpugut. Nukissamik tunisassiorneq nunanit allanit aqunneqassanngilaq, taakkua malittarisassanik unioqqutitsinerat pissutigalugu, amerikamiut præsidentiat Det Hvide Hus tusagassiortunik katersortitsinermi oqarpoq, EU'p nittartakkakkut nutaarsiassaqartitsivia EurActiv.com allappoq.
Kinap aatsitassanik qaqutigoortunik kisermaassisuunera nunarsuarmi niuernermik sulianiaqatigiiffissuarmit WTO'mit oqaluuserineqarpoq. EU marlunngornermi tikkuarpaa Kinap aatsitassanik qaqutigoortunik WTO'p ataani tuniniaanera, tamatuma saniatigut EU, USA aamma Japan peqatigalugit perngaamik Kina'p tuniniaanera suliassanngortikkaa, EurActiv.com. aallappoq.
Beijingimit aatsitassat qaqutigoortut tuniniarneqarneri killilersugaapput tamakku sakkutuut atortussaannik sanaartornermut aammalu teknologimut nutaaliaasumut soorlu biilinut hybrid'iusuntu fjernsyninillu pilersuinermut sunniuteqarpoq.
- Kinap killilersuinera sanaartuisunut aamma EU'mi nunarsuullu sinnerani atuisunut sunniuteqarpoq, soorlu hi-tech'imik aamma pinngortitamut ulorianartuunngitsunik pilersuinermut, EUmi kommissæri oqarpoq. - Kinap aatsitassanik qaqutigoortunik killilersuinera nunat tamalaat akornanni niueqatigiinnermi inatsisinik unioqqutitsivoq peerneqartariaqarlunilu, kommissæri naqissusiivoq.
EU ajugaaniarluni ilungersorpoq
2011 juuli qaammat, WTOp Kina piumaffigaa killilersuineq aammalu nunanut allanut tuniniaanermi tunisassiat qulingiluat akitsuuserneqartarnerannik taamaatitseqqullugu. WTOp aalajangernera kingorna januaari qaammat naammagittaalliortarfimmit taperserneqarpoq.
Kinap nunanut allanut tuniniaanermini killilersuinini allanngortinngilaa naak WTO aalajangeraluartoq aamma EUmi suliffeqarfissuit aatsitassanik qaqutigoortunik pissarsisinnaajumallutik Kinamut nuuttariaqarsimasut, tamanna suliffeqarfissuarnut euronik billionilikkaanik naleqarpoq.
Kinap WTOp oqaatigisai itigartippai oqarluni, Kina killilersuinerit taamaatiinnarai aatsitassarsiornerup annertuallaartup kingunerisinnaammagu pinngortitap mingutsitsinneqarsinaanera.
Kinamiut WTO upparaat
- Sakkussiassat tunisassiarineqarnerat pillugu assigiinngitsunik isumaqarpugut, neriuppugut suliaq WTOmi pitsaasumik suliarineqarumaartoq, Bruxellesimi Kinap aallartitaa Wang Xining oqarpoq.
Kinamiut pinngortitamik illersuiniarnermik oqaatigisaat aammalu EU, USA aamma Japan peqatigiillutik WTO'p ileqqoreqqusaannik naammagittaalliutaat sivisuumik suliarineqassasut ilisimannilluartut isumaqarput.