Inuk nersorneqaqqippoq

Inuk maannakkut nunarsuarmi tamarmik filminut nersornaasiuttakkanik 20-nik tunineqarsimalerpoq. Ole Jørgen Hammeken isiginnaartitseqqaarnerminut nersornaaserneqaqqammerpoq

Inummi isiginnaartitseqataasut ilaat ilaatigut Ole Jørgen Hammeken, Inunnguaq Jeremiassen aamma Rebekka Jørgensen siorna Brisbane International Filmfestivalimut atatillugu Australiami Sidneymiittut. Assi: Privat

Ole Jørgen Hammeken filmiliami Inummi angutini pingaarnertut inuttaasoq filmilioqatinilu kiisa talerlulersimassagunarpoq nersornaatinik kivitseqattaaraluarnermik.

Qanittukkut kingumut nersornaaserneqarpoq maannakkut Australiami. Tassani filmi Byron Bay International Filmfestivalimi pitsaanerpaatut nersornaanserneqarpoq. Taassuma saniatigut USA-mi North Carolinami filmfestivalimi allat nutaat marluk Ole Jørgen Hammekenillu isiginnaartiteqqaarluarnerpaanerminut nersornaataa ilanngukkaanni Inuk nunat tamat akornanni filminut nersornaasiuttakkanik 20-nik pissarsisimalerpoq.

Taamaattumik filmip nersornaaseqqinneqarnissaa nutaarsiassaajunnaassaaq, pissasinngginnissaa nutaarsiassaanerussalluni.

Inuk Nuummi maajip 11-ani takuteqqaarneqassaaq. Maajip 19-ani Sisimiunut. Filmillu Ilulissani takutinneqarnissaa sulissutigineqarpoq.

Powered by Labrador CMS