Angusat kusanartut

Hansigne Broberg timersornikkut aallartitatut nutaatut toqqarneqarpoq

Mimi Karlsen timersornikkullu aallartitaq nutaaq Hansigne Broberg allallu AWG-mi timersoqatassut. Assi: Namminersorlutik oqartussat

Sapaatiummat kalaallit Whitehorsemi AWG-mi peqataasut nunatsinnut 50-inik ujaminnapput.

Ilaqutariinninermut, Kultureqarnermut, Ilageeqarnermut, Naligiissitaanermullu Nalakkersuisoq Mimi Karlsen Air Greenlandip Airbusiani AWG 2012-mi Whitehorsemi Kalaallit peqataasut, sungiusaasut, aaqqissuisut timersortartullu tamaasa uummammik angusaqarluarnerannik qujassuteqarfigai.

- Qujanarsuaq angusassinut pitaasunut, naak tamassi medaljennanngikkaluarlusi tulluusimaarutigeqaassi. Timersortartorpalaartumik takutitsilluaqaasi. Whitehorsemi tanngassimaarnartumik ikinngutaalluartutut, timersullaqqissutullu eqqartorneqarpusi, nalunngilaralu ikinngutitaartorluarsimassasusi aamma peqataanissinni misigisasi ilissinnut pingaaruteqarluarumaartut, Mimi Karlsen oqarpoq angajoqqaat allallu nammineq piumassutsiminnik sulillutik inuusuttut timersornerannik kulturikkullu ineriartornermi peqataanerisigut.

Kalaallit Whitehorsemit angerlarput 50-inik ujaminnassimallutik.

Air Greenlandip attartortitinermut pisortaa Peter Frederik Lyberth timmisartumi nalunaarutigaa ambassadøriulluartutut toqqaasimalluni. Naak amerlasuut piukkunaateqarluaraluartut, marloriarluni fair playinik akissarsitinneqarsimasoq Hansigne Broberg toqqarsimallugu.

Powered by Labrador CMS