Ujammit amerliartuaat
Unammersuarnerup naammassinissaa qalliartuaaq tallimanngornermi Kalallit Nunaat nerrivimmi arsaararnermi aqqanilinnik ujaminnappoq
Whitehorsemi Arctic Winter Gamesit ingerlanneqarnerat naammassiartuaaq. Apeqqutaaginnalerpoq Kalaallit Grande Prairemi 2010-mi ujaminnattaavisut amerlatigisunik nunarput angerlaassaqassanersoq. Taamani nunatsinnit ujammit 49-t pissarsiarineqarput. Naggataarnersiornissap aqaguani Kalaallit Nunaat 30-nik ujaminnareerpoq.
Ilimagineqarpoq badmintonimi nunatsinnit ujammit 12-16 pissarsiarineqassasut. Arsarnermi ujamissat qulakkeerneqareerput - kuultit siilvilluunniit - taamaattumik 2010-mi amerlanerpaanik ujaminnaffiusoq nallerneqarsinnaagunarpoq. Pissanganaqaarlu. Issittumi timersuutit tallimanngornermi unammissutaammata Bent Jakobsen Knuckle Hopimi siilvinnappoq. Kuultinnattumit Tom Fulop, Yukon'imeersumit 33 cencimeteriinnarnik pissinnikinnerulluni.
Ullup kingulliup siuliani Kalallit Nunaat arfineq-marlunnik kuultinnappoq. Silvit aqqanillit bronzillu aqqaneq-marluk.