Nanook tusarnaartitsinissaat sioqqullugu pissanganeq

Pilersaarutit malillugit Nanook unnugu Københavnimi Nordatlantens Bryggemi tusarnaartitsissapput. Nipilersoqatigiilli Kangerlussuarmi saperngupput

Pilersaarutit malillugit tallimanngorpat unnukkut Nanook Nordatlantens Bryggemi tusarnaartitsissapput. Nipilersoqatigiilli Kangerlussuarmi saperngupput. Ass.: Leiff Josefsen

Nanook-ut tallimanngornermi unnukkut Københavnimi tusarnaartitsinissaat sivisuumik utaqqineqarsimasoq taamaatiinnariaavoq.

Nipilersoqatigiit qallunaat nalunaaqutaat malillugu tallimanngormat ualikkut Kangerlussuarmi saperngupput ullumilu Air Greenlandimik Københavnimut timmisartortussaallutik.

- Tusarnaartitsinisaq nal. 21-miit 22-imut kinguartinneqarallarpoq, Asta Stefánsdóttir Nordatlantens Bryggemeersoq oqaluttuarpoq.

Atuaruk "Nanook bryggenimi"

- Pilersaarutaavoq Nanook Kastrupimut miinnavillutik toqqaannartumik Nordatlantens Bryggemukassasut, taamaattumik tusarnaartitsinerup ingerlanneqarnissaa siunniukkallarparput, quppernerpulli nittartagaq alakkartarsiuk, Asta Stefánsdóttir oqarpoq.

Air Greenlandip ippassaq Kangerlussuarmit Københavnimut timmisartuussinissani taamaatiinnartariaqarsimavaa selskabip Airbus 330-iani "Norsaq"-mi teknikkikkut ajornartorsiuteqarneq pissutigalugu.

Unnugu tusarnaartitsinissamut billetsit suli sinneqalaarput.

Nanook tusarnaartitsinissaannut billetsi siumut akilerlugu 100 koruuneqarpoq. Tusarnaartitsinissaq pillugu annertunerusumik paasisaqarit uani.

Powered by Labrador CMS