Ipad nutaaq Nunatsinnut tunngasortaqarpoq
Applep Ipad-iliaminut nutaamut atatillugu pilerisaarusiaani Kalaallit Nunaat ilanngunneqarpoq
Filmi minutsit pingasut sekundillu arfineq pingasut ingerlareersoq, angut Tunup avannaa pillugu Ipadimini atuartoq takuneqarsinnaavoq. Nunap assigani Tunup avannaa assimi talerperliusuoq erseqqarissumik takuneqarsinnaavoq.
Kalaallit Nunaanni najugalippassuit qarasaaliorfip Applep tunisassiai nuannareqaat. Taamaammat Ipad nutaaq ippassaq tuniniarneqalersoq amerlaqisut nuannarissagunarpaat.
Sukummi aamma Kalaallit Nunaat Applemut attuumassuteqarami? Assigiinngitsutigut attuumassuteqartoq Apple isumaqarsimarpasippoq. Ippassarmi Ipadip nutaap tuninialerneranut atatillugu filmimi pilerisaarusiamini erseqqarissumik Kalaallit Nunaat ilanngussimavaa.
Ipadimi periarfissat assigiinngitsut takutissornerat sumilu atorneqarsinnaanera filmimi takutinniarneqarpoq.
Minutsini pingasuni sekundinilu arfineq pingasuni filmi ingerlareersoq, takuneqarsinnaasoq angutip ingillugu Kalaallit Nunaannut tunngasumik atuagaqartoq, isiginnaarutaatalu ersarinnerujussua nassuiarneqarluni.
Tunup avannaani ilisimasassarsiorneq?
Angut sunarpiaq pillugu atuarnersoq takuneqarsinnaarpinganngilaq, kisianni soorlu Tunup avannaani ilisimasassarsiornermut tunngasuussasoq. Nunap assigani Tunup avannaa erseqqarissumik takuneqarsinnaavoq.
Sooq Applep filmiliamini Kalaallit Nunaat ilanngussimaneraa, angutillu suna pillugu Ipadimini atuarnersoq Sermitsiaq.AG-miit paasisinnaasimanngilarput. Applelli tusagassiiveqarfia akissuteqartinniarsarissavarput.
Tamassuma paasiniarnerani filmi pilerisaarut uani takusinnaavat her. (03:08-mut filmi siuartikkukku Kalaallit Nunaata ilamernga Ipadimi takusinnaassavat.)