Immiussinerit aallartipput
KNR'ip juullimut mappersagassaa avannaani, kujataani kangianilu immiussineq aallartippoq
Ulluni qaninnerni aqqusinermi nissinik takussaqariataassaguit, imaanngilaq juulli qanillisimasoq.
Tumit Productionikkut ukioq mannamut KNR-kkut qaammatit qulingiluat qaangiuppata aallakaatisassaq ammartagassamut immiussillutit suliaqaleruttortunukua.
- Aallaqqaammut siunertarisimavarput ammattakkap suliarinerani nunatsinni piffiit assigiinngitsut immiussifigalugit, taamaasillluni Nunarput tamakkiinerusumik ammatagaq peqataaffigissagaat, oqaluttuarpoq Aka Hansen, ukioq manna ammattagassamut suliarineranut akisussaasoq.
Nuummi immiussinerit naammassereerput. Sapaatit akunneri aggersuni Narsarsuarmi, Paamiuni, Ilulissani, Sisimiuni, Kulusummilu immiussineq ingerlanneqassapput.
- Pilersaarutigisimagaluarparput immiussineq kujataani tunumilu illoqarfiit arlaqarnerunissaanut. Unammillernartut ilagaat angalaniarnernitsinni aningaasartuutit annertunerujussuat, taamaasilluta immiussineq aningaasaliissutit pissarsiat aallaavigalugit nalimmassartariaqarsimaneri, Aka Hanseq nassuiaavoq.
NunaFondip ammatagaq nunatsinni meeqqanut, inuusuttunut, meerarpaluttunullu tunissutigaa. Soorlu suliaq allaniit Helene aamma Svend Junges Fondimit, Tele Greenlandimit, Royale Greenlandimit, Naqitanit, Permagreenimit, InFashionimit, Nuuk Imermit, Nønnimit, Paamiut Asasaramillu taperneqarpoq.
SisimiuniIlulissanilu inissanut ikiorneqarneq
- Tumit Productionikkut aammattaaq ajunngisaarfigineqarluarput piumassutsiminnik ikiuuttunit, suliffeqarfinnit, suliffiit, taakkua isiginnaartitsunik nammaqataasunik, ininik, nissit nasaannik, juullimut pinnersaatinik, allarpassuarnillu tapersersorneqarnermikkut.
- Tumit Productionikkut aammattaaq suli annikitsumik juullimut ammartagassamut kissaateqarput, maannakkorpiaq kissaat annerpaat kissaatigaarput Sisimiuni, Ilulissanilu illussimavissatsinnik ikioqqulluta, qaammatip uumap ingerlanerani tikikkutta atugassatsinnik, juullimut ammartagassamut ilitsersuisoq qungujuppoq Aka Hansen, neriorsuivorlu, kissalaartumik pissanganartumillu qilanaarutissatsinnik, decembarimi ammartagaq isiginnaarutikkut isiginnaarlugit aallartippat.