Aatsaat taama issitsigaaq
Sermersuarmi silasiorfiit ulluni qaangiuttuni aatsaat taamak issitsigisumik ukiuni sisamanngortuni allaattuisarnerni uuttuipput
Geusimit sermersuarmi ilisimatusartut uuttortaanerit arlallit suleqatigiissutigaat, takussutissiisunik piffissami massumani Kalaallit Nunaata Kitaani immikkut ittumik issittoq.
Ulloq unnuarlu silaannaap nillissusaa Upernaviup, Kangerlussuup aamma Nuup eqqaani sermimi uuttortaaviit ippassaanikkunni minus 39, minus 42 aamma minus 30 angusarpaat. Ukiut sisamat matuma siorna tamaani uuttuisoqartalermat aatsaat taama issitsigaaq.
Geus nittartakkamini allappoq
Aamma atuaruk "Kaammattuut: Meeraaqqat illut iluiniitissigit"
Kalaallit Nunaannit uuttortaavinnit satellitsikkoorluni Geus, Københavnimiittoq ataavartumik paasissutissanik nassiussuivoq, taakkulu nittartakkami saqqummersinneqartarput.
Danmarkimi qiianartillugu nalinginnaasumik Kalaallit Nunaanni kissartarpoq killormulluunniit. Februaarip ilarujussuani silannaq taamaassimagaluarpoq. Danmarkimi ukioq manna nalunaarsuisoqartalerneranit ukiut seqinnerfiunerpaat aappaattut nalunaarsorneqarpoq, Danmarkip ilaa agguaqatigiissillugu 15,1-imik kiappoq.
Sermersuarmi silaannaq qanoq issusaanik Promice-programmets nittartagaani uani malinnaasinnaavutit.