Kuulti tunioraanneqaannarpa?

Kalaallit Nunaata aatsitassarsiorfiutituaa Nalunaq Gold Mine A/S qanoq aningaasanik kaaviiaartitaqarpa? Taama aperaaq Karl Lyberth, Siumut

Nunarput kuulteqarpoq qanorli naleqarpa, Karl Lyberth aperivoq. Assi: Joachim Adrian

Ove Karl Berthelsen Maniitsumi innuttaasunik ataatsimiisitsinermi ilisimatitsisinnaappat, naak kuultip akia qaffasikkaluaqisoq Nalunaq Gold Mine A/S sinneqartooruteqarani ingerlasinnaanera Karl Lyberthimik Siumumeersumnik aalassatsivoq.

Taamaattumik naalakkersuisunut apeqqutinik arlalinnik nassiussivoq ullut qulit iluani akineqartussanik.

- Kalaallit Nunaanni aatsitassarsiornermik ingerlatsivituaavoq piiaanivimmik ingerlatsisoq, Lyberth tunngavilersuivoq.

Taassuma ilaatigut paaserusuppaa ullumikkut kuulti qanoq naleqarnersoq.

Kuulti qanoq akeqarpa? Nalunaq Gold Mine A/S'imi qassinik sulisoqarpa? Sulisunit taakkunannga qassit Kalaallit Nunaanni nunaqavissuuppat? 2011-mi Nalunaq Gold Mine A/S'imi sulisunit aningaasat qanoq amerlatigisut nunatta karsianut akileraarutigineqarpat? Ingerlatsivik Nalunaq Gold Mine A/S sinneqartooruteqartarpa?

Ingerlatsivik Nunatta Karsianut 2011'mi qanoq tapertaatiginissaa naatsorsuutigineqarpa?

Ingerlatsivik sinneqartooruteqarani ingerlappat qagugu sinneqartoorfiulluni ingerlalernissaa naatsorsuutigineqarpa?

Powered by Labrador CMS