- kikkulluunniit kalaallisut oqalunneq ilikkarsinnaavaat
Kalaalllit oqaasii oqaatsit allat assigaat. Tamaattumik ilikkarneqarsinnaapput. Sisamanngorpat qanoq ilikkarsinnaaneritit tusarfigisinnaavat. Per Langgård, Oqaasileriffimmi siunnersortaanerusoq oqalugiassaaq
Ilumoorpoq - kalaallit oqaasii nalunartuupput. Imali nalunartiginngillat ilikkarneqarsinnaagatik.
Oqaasileriffimmi siunnersortaaneq Per Langgård oqaluttuassaaq qanoq kalaallit oqaasii ilikkarneqarsinnaanersut sisamanngorneq marsip arfineq-pingajuat unnukkut arfineq-pingasut qeqqanut Nunatta Atuagaateqarfiani oqalugiaatigissagamiuk.
Kikkulluunniit kalaallisut ilikkarusuttut nunami oqaatsit pillugit ingerlatsinermik soqutigisallit oqalugiarnissamut qaaqqusaapput kingorna Per Langgård apeqquteqarfigisinnaallugu.
Per Langgård nunamit allamit kingoqqisup inersimasunngoreerluni kalaallisut oqaluttalerpoq.
Per Langgårdip assortugaraa inersimasunngoreerluni kalaallisut oqalussinnaanngornissaq ajornarluinnartuusoq. Oqalugiaatissani taallugu "Kalaallisut oqaatsit ideologiunngillat. Oqaasiupput … taamaammallu oqaatsitut allatuulli ilinniarneqarsinnaapput."