KL

DK

Nunatta kiinaa

Chris Christophersenip assilisaminik saqqummersitsinini ”Grønlands ansigt” (Kalaallit Nunaata kiinaa) Odensemi Kalaallit Illuutaani takuniarneqarsinnaavoq - saqqummersitsinerup ammaanersiorneranit assit takukkit

Chris Christophersen Ilulissanit assilisami saavani. Assi: Knud Fl. Larsen
Ilulissani qimmit 4000-t ilaat qulit. Assilisanik saqqummersitsinermi assilisat 29-t ilaat. Assi: Knud Fl. Larsen
Erinarsoqatigiit Umiaq aliikkusersuipput. Assi: Knud Fl. Larsen
Odensep borgmesteria Anker Boye saqqummersitsinermik ammaasuuvoq. Assi: Knud Fl. Larsen
Ammaanersiornermi kaffisoqatigiit nuannisavipput. Assi: Knud Fl. Larsen
Café Allu Odensemi kalaallit illuutaanni inunnik ulikkaavippoq. Assi: Knud Fl. Larsen
Odensep borgmesteria Anker Boye saqqummersitsinermik ammaasuuvoq. Assi: Knud Fl. Larsen Ammaanersiornermi kaffisoqatigiit nuannisavipput. Assi: Knud Fl. Larsen Café Allu Odensemi kalaallit illuutaanni inunnik ulikkaavippoq. Assi: Knud Fl. Larsen Chris Christophersen Ilulissanit assilisami saavani. Assi: Knud Fl. Larsen Ilulissani qimmit 4000-t ilaat qulit. Assilisanik saqqummersitsinermi assilisat 29-t ilaat. Assi: Knud Fl. Larsen Erinarsoqatigiit Umiaq aliikkusersuipput. Assi: Knud Fl. Larsen Odensep borgmesteria Anker Boye saqqummersitsinermik ammaasuuvoq. Assi: Knud Fl. Larsen Ammaanersiornermi kaffisoqatigiit nuannisavipput. Assi: Knud Fl. Larsen Café Allu Odensemi kalaallit illuutaanni inunnik ulikkaavippoq. Assi: Knud Fl. Larsen Chris Christophersen Ilulissanit assilisami saavani. Assi: Knud Fl. Larsen Ilulissani qimmit 4000-t ilaat qulit. Assilisanik saqqummersitsinermi assilisat 29-t ilaat. Assi: Knud Fl. Larsen Erinarsoqatigiit Umiaq aliikkusersuipput. Assi: Knud Fl. Larsen
Knud Fl. Larsen

Sisamanngornermi ualikkut assiliisartup namminersortup Chris Christophersenip saqqummersitsinera "Grønlands ansigt” Odensemi Kalaallit Illuutaanni ammaanersiorneqarpoq.

Assilisanik saqqummersitat 29-t Ilulissanit, Kangerlussuarmit, Sisimiunit aamma Nuummi assilisaapput. Kalaallit Nunaata pinngortitarsuanit nalissaqanngitsumeerput, inunnit assilisat, puisit aamma nannut amiinik, qimussit, panertut, inissiarsuit kiisalu Sisimiuni iliveqarfimmit assit tupinnartorsuit.

Chris Christophersen 25-nik ukioqarpoq affarmik kalaalliulluni affarmik fynimiuulluni. Assiliiuaannartuuvoq. Kunngikkormiut assilissallugit pingaartumik soqutigisaraa, taakkua aqqaneq-marlunnilli ukioqarluni Danmarkimi angalaaraangata malittarpai. Saqqummersitsinermik illersuisuuvoq komtesse Feodora af Rosenborg.

Ukiut pingasut matuma siorna "Grønlands ansigt" (Kalaallit Nunaata kiinaa) suliniutigalugu aallartippaa. Maannamut assilisat 300 missaanniipput, taakkunanngalu assit 29-t saqqummersinneqarlutik.

Saqqummersitsineq Odensep borgmesterianit Anker Boyemit ammarneqarpoq, taassuma oqalugiarnermini ilaatigut Ilulissanit Oqaatsunut ukiualuit matuma siorna puigunaaqisumik qimussersimanini eqqaavaa. Peqataasut Cáfe Allu ulikkaarluinnarlugu kaffisoqatigiillutillu kaagisortinneqarput.

Atuagaq assilisanik imalik siunniunneqarpoq

- Ukiuni tulliuttuni suliniutiga "Grønlands ansigt" ingerlateqqissavara, Chris Christophersen Sermitsiaq.AG'mut oqaluttuarpoq.

- Neriuppunga illoqarfiit sisamat tikissimasama saniatigut allat tikissinnaassallugit. Assilisannik atuakkiornissaq anguniagaara, Kalaallit Nunaanni assigiinngissutinik ersersitsiniaasussaq pingaartumik ukiup allanngorarneranik.

Saqqummersitat angalaarput Aarhusimi Kalaallit Illuutaanni, Sognehuset i Birkerød Amagerimilu Nathanaels Kirkemi takutinneqareerlutik. Saqqummersitat Odensemeereerunik Fredericia, Hørsholm aamma Svendborgimi saqqummersinneqassapput.

Danmarkimi aqqummersitsinerup nalaani assit tuniniarneqarput. Tunisanit iluanaarutit affaat Foreningen Grønlandske Børn'inut ingerlaqqissapput.

Saqqummersitsineq Odensemi Kalaallit Illuutaanni apriilip 29-at ilanngullugu takuniarneqarsinnaapput.

assit nunatsinnit inuiagatigiit
Powered by Labrador CMS