Namminersorlutik oqartussat: Taamaattumik aaqqiagiinngittoqarpoq
Atuarfeqarnerup iluani aaqqiagiinnginneq ullumi allartittoq sunik peqquteqarpa? Namminersorlutik oqartussat kommunillu tungaanniit akissutit uani takukkit
Ilinniartitsisut kattuffiata IMAK-ip, kommunit namminersorlutillu oqartussat aaqqiagiinngissutaat pillugu malinnaavit?
Aningaasaqarnermut naalakkersuisup Maliina Abelsenip KANUKOKA-llu siulittaasuata Martha Abelsenip pisut ima nassuiarpaat:
- Kommunit aamma Namminersorlutik Oqartussat ukiumi kingullermi isumaqatigiissutip nutarterneqarnissaa pillugu ilinniartitsisut kattuffiannut IMAK-imut isumaqatiginninniarnikuupput. Tamanna kinguneqanngilaq, Kingullertigullu ulloq 1. martsimiit atuutilersummik atorfininnissamik mattussinermik nalunaaruteqarnikkut isumaqatigiinniarnerit isumaqatigiinngissutinngortinnissaat IMAK-ip qinerpaa. Atorfininnissamik mattussinerup kinguneraa ullup taassuma kingorna ilinniartitsisunik nutaanik kommunit atorfinitsitsisinnaajunnaarnerat.
Sulisitsisut IMAK-illu akornanni isumaqatigiinngissuteqarneq pingaartumik piffissaq suliffissaq pillugu isumaqatigiissutip ilnniartitsisut piffissamik suliffissaannik killilersuisup imaata isumaqatigiinngissutigineqarneranik pissuteqarpoq. Piffissaq suliffissaq pillugu isumaqatigiissutip ilinniartitsisut tiimit qassit atuartitsinissaannik suliassanullu allanut piffissamik qanoq annertutigisumik atuinissaannik killilersuivoq
Læs "Mæglingsmand skal løse konflikt"
Læs "Kommende lærer: Vi har vendt debatten"
Meeqqat atuarfiat nukittorsarneqassaaq
- Meeqqat atuarfiat ullumikkut naammaginanngitsumik ingerlavoq. Atuartut 2/3-ii tikillugit ingerlaannaq ilinniartitsinermi ingerlaqqinnissamut pisinnaasaqarfiulersumik inaarutaasumik misilitsinneq ajorput. Angusat naammaginannginnerinut pissutsit amerlapput. Atuartut ilaat atuarfimmi ineriartornissaannik kigaalaqusersuisunik inuttut atukkatigut ajornartorsiuteqarput. Atuartorpassuit ilinniartitsisunit ilinniarsimasunit naammattumik atuartinneqartannginnertik ajoqutigaat, Maliina Abelsen aamma Martha Abelsen nassuiaapput.
Namminersorlutik Oqartussat kommunillu meeqqat atuarfianni tunngavigineqartoq nukittorsarniarlugu suliniutit suleqatigiissutigilernikuuaat. Ilaqutariinnut atugarliortunik meeralinnut inuusuttuuteqartunullu inuttut atugarisatigut ataatsimut suliniutit aallartinneqarnikuupput, taamaalillutik atuartitsineq annertunerusumik pissarsiffiniassammassuk.
Billeder fra lærerdemonstration
Læs "Naalakkersuisut møder lærerstuderende"
- Tamannali naammanngilaq. Meerartatta ilinniartitsisunit ilinniarsimasunit atuartinneqarnissaat aamma pingaartuuvoq. Ilisimatusarnerpassuit tikkuussipput atuartut ilinniartitsisunit ilinniarsimasunit ilinniartinneqaraangamik pitsaanerusunik angusaqartartut. Taamaammat kommunit aamma Namminersorlutik Oqartussat ilinniartitsisut qinnuiviginikuuaat sulinermi tamarmiusumi piffissaq annertuneq ilinniarsimasaminnut tassa atuartitsinermut atorlugu meeqqat atuarfiannik pitsanngorsaanermi taperseeqqullugit, Maliina Abelsen aamma Martha Abelsen oqarput.