Ukiut 30-t matuma siorna EF naaggaarparput

Ullumi ukiut 30-nngorput Kalaallit Nunaata EF'imut ilaasortaajunnaarnissani taasissutigimmagu - taamaaliornerli eqqortuuva?

Ullumi ukiut 30-t matuma siorna Kalaallit Nunaanni EF'imit aninissaq taasissutigineqarpoq. Assi: Leiff Josefsen

Februaarip 23-at 1982 Kalaallit Nunaanni qinersisartut 52 procentiisa EF'imit aninissaq taasissutigaat.

Tamatuma kingorna Danmarkip EF'imik ilaasortat allat nunatta aniniarnera pillugu isumaqatigiinniarfigai Kalaallit Nunaat februaarip aallaqqaataa 1985 EF'imit maanna EU'jusumit anilluni.

- Folkebevægelsen mod EU, Kalaallit Nunaanni EF'imut naaggaarsimanerup ukiunik 30'nngortorsiornera pilluaqqussutigaa.

- Inuit taasisinneqarnerata inernera inuit oqartussaaqataanerisa Kalaallit Nunaatalu aningaasaqarnerata ajugaaneraat. Kalaallit Nunaata aamma ersersippaa kattuffissuup taassuma avataani inuusoqarsinnaasoq aammalu EU'mik naaggaarneq mattussaasimanermik isumaqanngitsoq. Tamanna qujassutigaarput neriuppugullu naalagaaffiup sinnera ullut ilaanni EU'mit aniumaartoq, Rina Ronja Kari, Folkebevægelsen mod EU'p oqaaseqartartua nalunaarpoq.

Kalaallit Nunaata EF'imit aninera ajorpa ajunngilaluuniit? EU'mut ilaasortanngoqqissaagut?

Powered by Labrador CMS