Ineqarninnut akiliigit imaluunniit anisitaagit

Inuiaqatigiit akisussaaffiginngilaat innuttaasut ineqarnerminnut akileerusunnginnerannik ikiuissallutik. Nuummi anisitaasartut inissinneqaqqiffissaat pilersinniarneqarpoq

Hvis viljen til at betale huslejen ikke findes, så skal man sættes ud, mener Jens B. Frederiksen, naalakkersuisoq for boliger og infrastruktur Arkivfoto: Jørgen Chemnitz.

Inuit taakku akiliinissartik piumassuseqarfiginngilaat. Inuit taamaattut akiliiniarneranni ikiussallugit inuiaqatigiit ataatsimoortulluunniit pisussaaffiginngilaat. Akerlianik isumaga malillugu attartortut allat tamaasa nammaqatiginissaat inuiaqatigiinnit pisussaaffigineqarpoq.

Taama allappoq oqallissaarummi allappoq ineqarnermut, attaveqarnermut angallannermullu naalakkersuisoq Jens B. Frederiksen.

- Nunatsinni isumaginninnikkut atugarissaarluartuuvugut, tamatumanilu nukittunerpaat oqimaannerpaanik nammataqartarnerat tunngavigineqarpoq. Ilaatigut tamatuma kingunerisaanik innuttaasut ineqarnermut akiliisinnaanngilluinnartut pisortanit ikiorserneqartarput. Tamanna ilaatigut ineqarnermut tapiissutit aammalu isumaginninnermut inatsisit allat aqqutigalugit pisarpoq. Ajoraluartumik innuttaasut ilaqarput aningaasaqarnerat ataatsimut misissorlugu akiliisinnaassuseqaraluarlutik arlaannik peqquteqarlutik ineqarnermut akiligassaminnik akiliineq ajortunik. Inuit taakku akiliinissartik piumassuseqarfiginngilaat. Inuit taamaattut akiliiniarneranni ikiussallugit inuiaqatigiit ataatsimoortulluunniit pisussaaffiginngilaat.

- Kisiannili nunatsinni inunnik aqqusiniinnarnut anisitsineq ajorpugut, politiimmi anisitsissagunik inisseeqqinnissaq piumasarisarpaat. Nuummi qanittumi inisseeqqittarfimmik ammaanissarput naatsorsuutigaarput, tassanilu siniffinni quleriinni sinittoqartarsinnaassaaq, aammalu ininik ataatsimoorussanik atuisoqarsinnaassalluni.

- Kisiannili inisseeqqittarfik inuunermik aaqqiiniarnermi najugarigallagaannagassatut isigineqassaaq. Aammaloorlungali erseqqissaatigerusuppara, inisseeqqittarneq aningaasartuutinik, attartortunit allanit tamanit akilerneqartussanik nassataqartarmat. Allatut oqaatigalugu neriuutigaara, sapinngisamik amerlanerpaat inuunertik namminneerlutik akisussaaffigisinnaassagaat, attartoqatitik nammaqatigisinnaassagaat aammalu ineqarnermut akiligassaminnik akiliisassasut, Jens B. Frederiksen naqissusiivoq.

Oqallissaarut tamakkiisoq kalaallisut aamma dansk.

Powered by Labrador CMS