Napparsimavissuarmit tusarluarput
Angutit marluk Nutaarmiuni aqqunarneqartut Rigshospitalimilu uninngasut pillugit nuannaajallannartumik tusarfigineqarput
Dronning Ingridip napparsimavissuani nakorsaaneq Carsten Thordal nal. 11.30 Sermitsiaq.AG'mut oqaluttuarpoq angutit aqqunakkat Københavnimi Rigshospitalimi uninngasut siumut ingerlasut. Nutaarmiuni alianartumik pisoqarnerani angutit aqqunakkat marluk aappaa inuusunneq peqqissiartupallannerusoq.
- 32-nik ukiulik annikitsumik pilattartippoq naatsorsuutigineqarporlu erniinnaq Kalaallit Nunaannut angerlassasoq. Ajunngilaq. Isumaqanngilanga pilattartinnera pinartuusoq.
- 81-inik ukiulik niaqquata saarngi napisimasut pilanneqarput suli anersaartuuteqarpoq nakorsallu naatsorsuutigaat sapaatip akunnerata ingerlanerani itersinnaajumaartoq. Piffissap takutikkumaarpaa annersinneqarujussuarnini qaangerumaassaneraa. Inuunerminik aallerinartorsiunngilaq, Carsten Thordal oqarpoq.