Nal. ak. pingasut anersaanngingajapput
Timit toqungasut naammattoorneqarnerinit politiit Nutaammiuni toqoraasumik tigusarinninnissaasa tungaannut nal. ak. pingasut ingerlapput
- Politiit illup iluaniiginnaqquaatigut aneqqunatalu, Johan Kristensen oqaluttuarpoq taassuma ilaqutariit illuminni toqutaasimasut pingasunngornikkut ullaakkut naammattoorpai.
Ulluinnaagaluarpoq nunaqarfimmiulli silamut aninngillat. Kikkut tamarmik angerlarsimaffimminni imminnut illersorniarlutik ajornerpaamik pisoqarsinnaanerannik piareersimapput.
Nunaqarfiup eqqaaniittumut pisoq pillugu erniinnaq kalerriisoqarpoq. Inuit arlalippassuit ikiuiartoqqullugit aggersarneqarput. Piffissamili tassani ilisimaneqanngilaq pinerluttoq aallaaseqarnersoq. Taamaattumik nunaqarfimmiut silamut aninngillat. Anissagunik ulorianarpallaartoq oqarfigineqaramik.
Nunaqarfimmi innuttaasut takorloorsinnaanngilaat pinerluttoq aallaaseqarsimagaluarpat qanoq pisoqarsinnaasimagaluarnersoq.
Sermitsiaq atuaruk paasillugu Johan Kristensen qanoq ililluni ilaquttani nassaarinerai.