Aatsitassat qaqutigoortut tunisassiarinerini Kina kisermaassiunnaarpoq
Aatsitassanik qaqutigoortunik tunisassiornermut atatillugu Kina-p killilersuinerata atorunnaarsinnissaa, nunarsuatsinni niuernikkut kattuffissuup, WTO-p, aalajangerpaa
Aatsitassanik qaqutigoortunik mingutsitsinngitsumik nukissiornermi atorneqakkajuttunik tunisassiorneq, Kina-p kisermaatingajannikuuaa. Tamakkua nunarsuatsinni tunisassiarineqartartut 15 procentiat 2017-iuinnatoq Kalaallit Nunaanni tunisassiarineqarsinnaalernissaa ilimanartoq, Dansk Industri-p allaaseraa.
- Ukiuni arlaqaqisuni aatsitassanik qaqutigoortunik tunisassiornermik Kina kisermaassingajannini akit qaffassarnerannut atornikuuaa. Kina-lli killilersuinerata atorunnaarsinneqarnissaa, Nunarsuatsinni niuernermut kattuffissuup januaarimi atorunnaarsippaa. Aatsitassat qaqutigoortut piumaneqaqimmata Nunarsuatsinni piiaaffiusinnaasut aningaasaliiffigineqartaleruttorput, Kalaallit Nunaatalu 2017-imi Nunarsuatsinni tamakkunannga tunisassiortut annerit pingasut akornanniilernissaa ilimagineqartoq, Dansk Industri-mit allaaserineqarpoq.
- Aatsitassanik qaqutigoortunik tunisassiornermi Kina-p kisermaassinera taamaasilluni tamaanga killeqalissaaq. Nunarsuatsinni aatsitassanik nioqqutigineqartut akornannut nioqqutissanik Kina-p killilersuinerata atorunnaarsinnissaanut WTO-p januaarimi aalajangiinerata kingorna, tamakkua pissarsiariuminarnerulernissaat akillu appariartulernissaat ilimagineqartoq, Danske Industri-p allaaserisaani aamma ilimagineqarpoq.