Sisimiuni Ukiup arnatsialaa

Arnat Ulluannut atatillugu Sisimiuni arnatsialak nersorneqassaaq

Arnat Ulluannut atatillugu Sisimiuni arnatsialak nersorneqassaaq, sisamanngorneq 8. marts. Assi: Søren Duran Duus

Arnat Ulluannut atatillugu Sisimiuni arnatsialak nersorneqassaaq, sisamanngorneq 8. marts.

Arnamik ilisarisimasaqarpit immikkut taasariaqartumik? Siunnersuutivit aqqa, attavigineqarfissaa, kiisalu siunnersuuteqarnivit tunngavilersuutai allallugit uunga nassiussinnaavatit: as@taseralik.gl. Potsboks 3083, 3911 Sisimiut. Aamma nammineerluni allakkat Taseraliup allaffianut tunniukkiartorneqarsinnaapput.

Allagarineqartut tunngavigalugit Arnat Ulluat Kommittep arnaq piukkunnartoq toqqassavaa

Arnat Ulluat Kommitte ukunannga ilaasortaaffigineqarpoq: Kirstine Lennert (Arnat Peqatigiit), Agnes Johnsen kiisalu Taseralimmik Arnajaraq Støvlbæk. Arnat Ulluat Kommitte ukiut tamaasa Arnat Ulluanni qinersissutigineqartarsinnaavoq, arnat ulluannullu aaqqissuussisussatut akisussaasuusassalluni.

- Arnat Ulluanni Taseralimmi nereqatigiittoqarumaarpoq assigiinngitsunillu pisoqartassalluni. Taamaattumik unnuk taanna angerlarsimaffik qimalaarlugu arnanik unnussiuaaqateqarnissat pilersaarutigilereersinnaavat. Pilersaarutit sukumiinerusut sap. akunn. 8-mi saqqummiunneqarumaarput, Arnajaraq Støvlbæk, Taseralimmi pisortaq oqaluttuarpoq.

Powered by Labrador CMS