Lis Sørensen giver koncert i Katuaq
Arfinngorneq marsip 31-at Katuap tikilluaqqussavaa Lis Sørensen, upernarnerani nipilersoriaqattaarluni Danmarkimi angalaassaaq kingorna nipilersoqatigiit Paris aamma Malaga ornissavaat
Ukiut kingulliit ingerlanerini nipilersornerminut atatillugu angalaangaatsiarsimavoq, maannakkullu nutaanik nukineqqissimalluni tusarnaarissanillu nuannarineqarluarluni tusarnaartitsisussanngorluni, Katuami aaqqissuinernik suliaqartartoq Noëlle Simoud tusagassiivinnut allappoq.
- Tusarnaartitsisartut ikitsuinnaat ilumoorsaartumik kissalaamillu tunisiitigalutik tusarnaartitsisarput, tamannalu Lis Sørensenip nipilersortuisalu pikkoriffigaat, tusarnaartitsinissaminnullu nuannersumut qiimanartumullu piareersimapput. Unnuk taanna ilaatigut atussavaat: Mine øjne de skal se, Tæt på ækvator, Verden er i farver, Stille før storm, Fuld af nattens stjerner aamma indtil dig igen, Noëlle Simoud oqaluttuarpoq.
Lis Sørensenip erinaa suli ingerlaartuarpoq, nuusiaalu kingulleq ”For kærlighedens Skyld” ingerlalluaqaluni.
Lis Sørensenimut nipilersortuusussat tassaapput: Poul Halberg, guitarertoq, Jonas Krag: guitarertoq, Jette Schandorf: qatitoortoq, Jan Sivertsen: tumerparpaartoq.
Tusarnaariarniat aningaasanik ileqqaarsinnaapput siumoortumik billetsisinikkut. Inuusuttuaqqat 15-17'inik ukiullit inersimasunik ingiaqateqarlutik tusarnaariarsinnaasut Katuaq ilisimatitsivoq.