Afrikap kangianut aningaasarpassuit
Kalaallit Røde Korsiat naalakkersuisunit 500.000 koruuninik tapiiffigineqarpoq. Aningaasat Afrikap kangiani kaannersuarmut ikiuutissatut atorneqassapput
Kalaallit Røde Korsiat januarip naanerani Naalakkersuisunit nuna tamakkerlugu katersuiniarnermi kr. 500.000 Afrikap Kangiani kaannersuarmi eqqugaasunut atugassanik tunisipput.
Tunniussaqarnermut tunngavilersuutitut allakkamini aningaasaqarnermut naalakkersuisoq Maliina Abelsen ima oqaaseqarpoq:
- Naalakkersuisut sinnerlugit nuannaarutigalugu Kalaallit Røde Korsiannut nalunaarutigissavara ukiarmi 2011 nuna tamakkerlugu Afrikap Kangiani kaannersuarmut ikiuiniarlusi katersinersi kusanartoq pissutigalugu Naalakkersuisut aalajangermata katersanut tpertatut kr. 500.000 tunniunneqassasut.
- Ukiarmi nuna tamakkerlugu katersuiniartoqarmat kajumissutsimik suliniarneq allannguinermik inuppalaarnermillu takutitsiviuvoq. Kalaallit Røde Korsiat kusanarluinnartumik suliaqarpoq, Maliina Abelsen oqarpoq.
- Naalakkersuisut tunissuteqarnerat katersuiniarnerup ingerlanneqarneranit kingusinaalaaraluartoq neriuutigaarput Afrikap Kangiani ajunaarnersuarmut allanngueqataassasoq neriuutigaarput
September 2011-mi Kalaallit Røde Korsiata aningaasat katillugit kr. 502.879 Afrikap Kangiani Røde Korsip sulineranut tunniunneqarput, tassani agguaqatigiisillugu Kalaallit Nunaanni innuttaasut kr. 10-ngajalluinnarmik tapiipput.
-Kingumunaasit Kalaallit Nunaanni innuttaasut takuteqqippaat nuna inuttunngikkaluarluni inoqatinut ajornartorsiortunut annertuumik ikiuiumatussuseqartut. Kalaallit Røde Korsiannut nuannaarutaavoq aningaasanik taama amerlatigisunik Røde Korsip Afrikap Kangiani suliaqarneranut nuusseqqinneq, Tove Blidorf, Kalaallit Røde Korsiata siulittaasua oqarpoq.