IMAK saqitsaannermik aallartitsilersaarpoq
Sivso Dorph, IMAK, ilinniartitsisut kattuffiat marlunngornermi ualikkut kalerrisaarivoq marsip aallaqqaataanit saqittaasinermik aallartitsiniarluni
Naammaleqaaq.
Taama Sivso Dorphip IMAK'ip siulittaasuata nalunaarutaa paasineqarsinnaavoq.
Kalaallit Nunaanni ilinniartitsisut kattuffiannut IMAK'imut ilaasortat saqitsaattoqarnissaa ilimasaarutigigaat.
- Naalakkersuisut atuarfik sipaarfigerusuppaat. Sipaarnitigineqartut ilinniartitsisumut ataatsimut qaammammut akissarsiaasa kr. 3.700,00 angullugit appariarnerannik kinguneqassapput ukiumullu 240 tiimit angullugit sulinerulernerannik kinguneqarlutik suliffiup nalinginnaasup iluani.
- Tamanna akuersaarneqarsinnaanngilluinnarpoq. IMAKip Sinniisoqarfiata aalajangerpaa atorfeqartitsinermut mattussinissamik Naalakkersuisunut nalunaaruteqarniarluni IMAKip Naalakkersuisullu pingaarnertut isumaqatigiissutaani aalajangersakkat malillugit, Sivso Dorph oqarpoq.
Atorfeqartitsinermut mattussisineq atuutilissaaq marsip aallaqqaataanit 2012.
Nipi tusarniitsoq
Ordudvekslingen mellem Sivso Dorphip aamma ilinniartitaanermut, ilisimatusarnermut avannarlernullu naalakkersuisup Palle Christiansenip akornanni tusagassiuutitigut nipi tusarniitsoq atorlugu oqallipput.
Aamma atuaruk "Illuatungeriinneq ingerlaqqittoq"
Aamma atuaruk "Palle, uukapaatitsiniaaqqipputit"
Læs "Palle: Mere undervisningstid"
Illuatungeriinneq aallarteqqippoq Sermitsiaq.AG januaarip 22-anni allammat, Palle Christiansen oqarmat; Kalaallit Nunaanni ilinniartitsisut piffissamik suliffigisamik 28 procentiat ilinniartitsinivimmut meeqqanillu toqqaannartumik atassuteqarnermut atortarpaat, Danmarkimi kisitsit 40 procentiusoq.
Tamanna Sivso Dorphimit ilumuunnginnerarneqarpoq, illuatungaani oqarluni Palle Christiansen ”uukapaatitsiniaaqqittoq atuartussamut nammineq isummiussaminik saqqummiussuinerarlugu".
Saqitsaannissamik kalerriut ulluni kingullerni assortuunnermik aallaaveqarnersoq ilisimaneqanngilaq.