Nunatsinnit oqaluttualianik saqqummersitsilersoq
Naqiterisitsisarfik Panigiit februaarimi oqaluttualiat katersat "Vinterstorm og andre noveller", Bjarne Ljungdahlimit allanneqartunik saqqummersitsissaaq
Kalaallit Nunaanni atuakkiaq nutaaq saqqummersinneqartussanngorpoq. Suli atortorissaarutit elektoniskiusut atulinngikkallarmata Bjarne Ljungdahlip nunaqarfinnit oqaluttuarluni allagai katesatut atuakkiarineqarput. Bjarne perngaamik oqaluttualianik saqqummersitsissaaq.
- Maani inuit najugaqarfigisinnaasa killeqarfippiarisaani – atortorissaarutitigut pisoorsuaanerunatik kinguaariippaalli ilisimasaannik kingornusanik kissaatinillu peqaqaat kiffaanngissuseqarneq siunissamullu pitsaanermut neriuuteqaqalutik. Atuakkiortup inuiannguanut ataqqinnittuunini asanninninilu ersersippaa. Pinngortitarsuaq aqqutigalugu sorpassuit eqqartorpai, sinnganeq, ingutsineq aamma isummat pigiliutiinnakkat eqqunngilluinnartut, aammali namminissarsiunngivilluni tullimut asanninneq kiisalu inuunermi atugassarititaasut pitsaanerunissaannik anguniagaqartuarneq.
Panigiit tusagassiivinnut allapput.
Bjarne Ljungdahlip ilisimaneqaatigai nunatsinni aatsitassat pillugit ilitsersuut aamma Kalaallit Nunaanni ukiuni 40-ni suliai naapittagaalu pillugit saqqummersitat.