Ukiaanerani ataatimiinneq dvd’nngorpoq
Inatsisartut ataatsimiinnerat tamakkiisoq dvd’nngorluni saqqummerpoq
Siorna ukiakkut Inatsisartut ataatsimiinnerat tamakkiisoq dvd’ikkut tusaaneqarsinnaanngorpoq. Ataatsimiittarfimmi ataatsimiinnerit tamarmik immiussaapput digitalinngorlugit saqqummersinneqarlutik. DVD’mi 2011-mi ukiakkut ataatsimiinnerup nipitai tamarmik ullormut oqaluuserisassat aammalu partiit saqqummiussai tamarmik ilaapput.
DVD’p taamaattup siunertaraa kikkulluunniit soqutiginnissinnaasut – innuttaasut, tusagassiiviit, atorfilittat politikkerillu Inatsisartut ataatsimiinnerannit qaangiuttumit sammineqartunik suugaluarnilluunniit paasiniaanissaminnut periarfissaqarnissaat.
DVD maannakkut nassiussuunneqaleruttorpoq nunami tamarmi kommunit allaffii, atuagaateqarfiit, ilinniaqqiffiit aamma soqutigisalinnut ingerlaarluni. Nammineq piginissaa kissaatigigaanni Inatsisartuni attaveqarnermut immikkoortortaq saaffigineqassaaq komm@inatsisartut.gl
Inatsisartut siulittaasoqarfiat taama allappoq.