Arsarnerit alutornartut takukkit
Seqernup nukissamik aniatitsinera maanna sakkortuujuvoq. Tamanna ilaatigut Kalaallit Nunaanni takuneqarsinnaavoq - assit ukua marluk Nuummi assilisaapput
Sisamanngormat maani Sermitsiaq.AG-mi allaaserisami "Taamaattumik arsarneqaqaagut" oqaluttuaraarput seqernup sakkortuuliornera ulluni arlalinni sakkortusiortorsimasoq. Sakkortunerpaaffia pivoq sapaatip akunnerata naanera, ukiut arfineq-pingasut sinnerlugit seqineq aatsaat taama sakkortutigisumik aniatitsilluni.
Kim Lundqvistip aaqqissuisoqarfimmut Nuup qulaani arsarnerit nalisaqanngitsut ukua marluk nassiuppai.
Soorli maannakkorpiaq taama arsarneqartigaa - Nunatsinniinnaanngitsoq?
Aap, Seqernup avataani qaartoornerujussuakkut gassit kissartorujussuit partikilillu sukkasoorujussuarmik avataannarsuanut igeriunneqarput, marlunngormallu ualikkut partikilit Nunarsuup silaannartaanut appakaapput magnetiskimik anorersuartumik taaneqartartumik. Nunarsuup avannarpasinnerusuani assersuutigalugu Kalaallit Nunaanni Islandimilu tamanna arsarnernik qaqutigoortumik nalissaqanngitsunik kinguneqarpoq.
Atuaruk "Danmarkimi arsarneqarsinnaavoq"
Danmarkimi illoqarfiit qulliisa avataanni marlunngormat arsarnerit avannamut qiviarluni takuneqarsinnaapput.