Kalaallinik sulisussanik ujartuipput
Namminersorlutik Oqartussat sulisoqarnermut atorfinitsitsinermullu politikkiat paasisaqarfigerusuppaat
Annonse
-Nunatta siunissami ilinniarsimassutsikkut aamma imminut pilersorniarnissaq angussaguniuk pinngitsoorneqarsinnaanngilaq Namminersorlutik Oqartussaanerup iluani sulinermi sallerpaajusariaqarneq nunatsinneersunik ilinniarluarsimasunik sulisussaqarniarnikkut aqqutissiuusseqataanissaq, peqqutissaqarsorivungalu apeqquteqaateqassallunga Namminersorlutik Oqartussat iluani kalaallinik atorfilittaqarnerup qanoq inissisimanera periarfissiuussineralu pillugu politikkeqartoqarneranik paasiniaassallunga.
Finn Karlsen, Siumut sinnerlugu Inatsisartunut ilaasortaq taamatut oqarpoq. Taamaammat Naalakkersuisunut imatut apeqquteqarpoq:
- Namminersorlutik Oqartussat allaffissuani sulisunit kalaallisut pingaarnertut oqaasilinnit qanoq amerlatigisut sulinermi nalaani ilinniaqqinnissamut pikkorissaqqinnissamullu qinnuteqartarpat? qassillu akuerineqartarpat nunatta avataaneersunut sulisooreersunut sanilliullugit?
- Kalaallit qassit avataaneersunut sanilliullugit, ilinniaqqinnissaminnut pikkorissarnissaminnullu akuerineqartarpat?
- Namminersorlutik Oqartussani sulisuusunit kalaallisut pingaarnertut oqaasilinnit qassit sulinermi nalaanni qaffassarfigisinnaasaminnik atorfinitsinneqartarpat?