Issittumi ajunaarnersuarmik pisoqariaannaavoq

"Costa Concordias" ajutoornerata kingorna umiarsuit takornariartaatit eqqumaffigineqaqqilerput

Umiarsuit takornariartaatit nunarsuatsinni nuannarineqariartuinnarput - aamma Issittumi. Maani ajutoortoqaraluarpat ajunaarnersuarmik kinguneqarsinnaasoq, immikkut ilisimasalik oqarpoq. De populære krydstogtskibe breder sig over hele verden - også i Arktis. En ulykke her kan ifølge eksperter hurtigt blive katastrofal. Foto: Søren Duran Duus

Umiarsuit takornariartaatit ilaaffigissallugit nunarsuaq tamakkerlugu nuannarineqaleriartuinnarput - aamma Issittumi.

Nunatta imartaani ajutoortoqaraluarpat ingerlaannaq ajunaarnersuaqarsinnaavoq. Taamaammat FN-imi imarsiorneq pillugu kattuffiup, IMO-p malittarisassat sukaternialerpai.

Umiarsuaq takornariartaat "MS Explorer" 2007-imi Issittumi kujallermi ilulissamut aporluni kivivoq. Ilaasut inuttallu 154-it annaanneqarlutik Chile-mut timmisartuunneqarput. Annaanneqartigatik akunnerni sisamani-tallimani issittumi annanniutineeqqaarput. Sivisunerusumik annanniutiniissimasuugunik ajunaarsimassagunaraluarput.

Umiarsuit allat takornarianik ulikkaartut Issittumi kujallermi aamma ikkarleqartaarneranni ajunaartoqangajavittarpoq.

Takornariat Kalaallit Nunaata eqqaani aamma amerliartuinnarput. Kalaallit Nunaata imartaani nilleqisumi, ukiut tamaasa umiarsuit takornariartaatit 54-56-it angalasarput, Jyllands-Posten-imi taamatut allaaserinnittoqarpoq.

"Costa Concordia" -> "Krydstogtskib kæntret"

"Costa Concordia"-tut angitigisut
Umiarsuit ilaat ajutoortutut "Costa Concordia"-tut atsigalutik 4.000-inik ilaasoqarsinnaasarput. Tamakkua Nunatta kujataaniinnaq angalasarput. Allat 1.500-nik ilaasoqarsinnaasut Ilulissat eqqaanni sikoqaqisumi angalanerusarput.

umiarsuit minnerit 100-niit 150-it tikillugit ilaasoqarsinnaasut avannarparternerusarput, sapiisernarsinnaasumi angalasarlutik.

Umiarsuit takornariartaatit ilaasa angalasarnerat Danmarks Rederiforening/Danmarkim umiarsuaatillit peqatigiiffiannit isumannartoqartinneqartarpoq, pisortap tullia Jan Fritz Hansen Jyllands-Postenimut oqarpoq.

- Uagut umiarsuaatitsiniit takusartakkatta ilaat ulorianartarput. Umiarsuit Kalaallit Nunaani takornarianik angallaassisut ilaat sumiiffinni nalunaarsorneqarnikuunngitsuni angalasut takusarpagut.

- Isigalugit isumannartaqaat. Uagut umiarsuaatitsinni atortutsinnik inuit quliniit 15-it tikillugit annaassinnaasarpagut, umiarsuarli 1.000-inik ilaasoqarpat qanoq ililluta annaassiniarsinnaassagatta? Jan Fritz Hansen aperivoq.

Powered by Labrador CMS