Aqqut nutaaq nuannaarutigaa
Nuup aamma Iqaluit akornanni Air Greenlandip timmisartuussisalernissaa, Jens B. Frederiksenip nuannaarutigaa
- Aallaqqaataani timmisaartuussisalernissap aatsitassarsiornermik ingerlatsisunut iluaqqutaanerunissaa natsorsuutigaara. Kalaallit Nunaanni uuliasiorneq aatsitassarsiornermik soqutiginninnerup annertusiartortup, Nunatta Canadallu akornanni aqqutissamik pitsaanermik pisariaqartitsinermik nassataqarpoq.
- Tamatuma saniatigut aqqutip taassuma amerikap avannaata nunataata sinneranut ajornannginnerulersissavai, tamatsinnut iluaqqutaalersinnaasoq, ineqarnermut, attaveqarnermut angallannermullu naalakkersuisoq Jens B. Frederiksen oqarpoq.
Aatsitassarsiornermik soqutigisallit ujartugarisimasaannik ammaassinerup saniatigut, Jens B. Frederiksen neriuppoq, takornariat amerlinissaannik aamma inuiaat kulturikkut ataqatigiissutaat nukittorsarneqassasut.
Atuaruk "Aasaanerani Canadamut aqqut nutaaq"
Jens B. Frederiksen, 2011'p ingerlanerani aqqutip piviusunngortinnissaanut suleqataavoq. Taanna oqarpoq Kalaallit Nunaata Amerikallu avannaata niueqatigiinnikkut suleqatigiilernissaannik sivisuumik kissaateqarnikuuvoq.
Air Greenland ilisimatitsivoq, juunip 18-ianiit septembarip pingajuata tungaanut sapaatip akunneranut marloriarluni timmisartuussinissat pilersaarutaasut. Timmisartuutileqatigiiffik naapertorlugu Iqalunnit Amerikap nunataata sinneranut periarfissat pitsaasut.
Niuerneq tunngavigalugu aqqummi nutaami akit ingerlanneqassapput.