Suliffissaaleqisut amerlanerit illoqarfinniipput
2010-mi decembarimiit 2011-mi decembarimut illoqarfinni suliffissaaleqisut amerlinerupput
Nunatsinni illoqarfinni inuit suliffissaaleqinermik eqqorneqartut 2011-mi decembarimi 3.275, ukiup siuliani qaammat taanna 2.813. Qaffariaat 16,4 procentiuvoq assigalugu inuit 462.
Naatsorsueqqissaartarfiup kisitsisaataasa nutaat ersersippaa.
Kisitsisit nutaat aamma takutippaat inuit 145 Nuummi piffissami tassani suliffissaaleqisut, illoqarfiit annersaanni suliffissaaleqisut sulisinnaasut 6,0 procenterigaat.
Nuup avataani illoqarfinnit piffissami eqqartukkami suliffissaaleqinermik eqqorneqarnerpaaq tassaavoq Ilulissat. Suliffissaaleqisut 126 amerlipput, nunatsinni illoqarfiit annersaasa pingajuanni suliffissaleqisut procentiat qaffatsippaa 12,5 procentinngorami.
Nanortalik aamma Qeqertarsuaq illoqarfinnit taakkutuaapput suliffissaaleqinerup appariarneranik malussartut. Nanortalimmi suliffittaartut 27-nik amerlipput, Qeqertarsuarmi inuk ataaseq suliffittaartoq.