Pigisatoqat akitsorterunneqalersut
Kommuniusimasut kattunnermi Kommuneqarfik Sermersuumut ilannguteqataasut pigisarisimasaat akitsorterunneqassapput
Kommuniusimasut 2009-mi kattunnermi Kommuneqarfik Sermersuumut ilannguteqataasut pigisarisimasaat ataasinngorpamiit akitsorterunneqassapput.
Kommunit kattunneqarnerisa kingorna siornatigut kommuniusimasut pigisimasaannik Kommuneqarfik Sermersooq uninngasuuteqarpoq Kommunalbestyrelsi ukiarmi aalajangiivoq pigisat tamakku ilai akitsorterussinikkut annerpaamik neqerooruteqartumut tunineqassasut.
Akitsorterussinermi isertitat Kommuneqarfik Sermersuup meeqqanik angalatitsisarnermi aningaasaateqarfittaavanut, meeqqat ilaqutariillu meerartallit angalanissaannut tapiissuteqartartussamut ilanngunneqassapput.
Ammassallip kommunerisimasaata pigisai Tasiilami katersugaasivimmut tunniunneqarmata, Paamiuni, Nuummi aamma Illoqqortoormiut pigisarineqarsimasut tassa maanna tuniniarneqartussanngorput.
Akitsorterussinissaq aallartissaaq januaarip ulluisa 16-iani nalunaaqutaq 10.00 tallimanngorneq januaarip ulluisa 28-ani nalunaaqutaq 12.00-ip tungaanut, sermersooq.gl –ikkut aamma Kommuneqarfik Sermersuup Innuttaasunut Sullissiviisigut, sermersooq.gl allappoq.