Takornariartaassuaq kinngusoq
Inuit 69-it maqaasineqarput ippassaq tallimanngornermi Italiap imartaani qeqertap Gigolo'p eqqaani umiarsuaq takornariartaat Costa Concordia ikkarlilluni kinngummat. Nunatsinni taama pisoqarsinnaava?
Maannakkorpiaq annaassiniartartut maqaasineqartunik ujaasipput, umiarsuup takornariartaatip Costa Concordiap ajunaarnerata kingorna. Italiami sumiiffimmi oqartussaasut naapertorlugit inuit 50-init ikinnerunngitsut ajunaarnerup kingorna maqaasineqarput, ajunaarneq tallimanngornermi unnukkut pisoq suli sumik peqquteqarnersoq paasineqanngilaq. Sumiiffimmi atorfilittaq Giuseppe Linardi, oqarpoq inuit maqaasineqartut imaassinnaasoq 70-it missaanniittutq
Umiarsuaatileeqatigiiffiup nalunaarutaa tunngavigalugu, ilaasut inuttallu katillutik 4234-usimapput. - Inuit 4165-it nassaaraagut paasissutissaatitsinnit 69-inik ikinnerupput, AFP naapertorlugu Giuseppe Linardi, oqarpoq.
Qeqertap Giglio'p eqqaani umiarsuaq sioqqanut ikkarlipput maannalu kinngoreerluni. Umiarsuup sinaakkutaata illuatungaa ammarsimavoq. Linardi oqarpoq, maannakkorpiaq Gigliomi illunut kasuttoqattaarlutik paasiniarlugu inunnik annassimasunik qeqertamut pisoqarsimanersoq. Inuit 4000 sinnerlugit umiarsuarmi issimasuusimapput. Inuit pingasut ajunaarsimasut pisortatigoortumik nalunaarutigineqareerput.
Qatserisartunit oqaaseqartartoq nalunaarpoq, maqaasisaasunik ujaasinermi aqqartartut immikkut piginnaasallit ajunaarfimmi ujaaseqataassasussat aggersarneqartut. - Maannakkorpiaq inuit 40-t sulipput, aqqartartut immikkut piginnaasallit umiarsuup iluanik misissuisussat utaqqineqarput, Luca Cari, qatserisartut oqaaseqartartuat oqarpoq. - Nangartarsinnaanngilarput inuit amerlanerit ajunaarsimasinnaanerat, Luca Cari oqarpoq.
Oqaaseqartitap ilanngullugu nalunaarutigaa suliassaq ajornaatsuinnaanngimmat umiarsuaq angeqimmat. Ilanngullugu oqarluni, umiarsuaq immap naqqani innangammat qivinerusinnaananilu.
Paasissutissat:
Costa Concordia umiarsuaatileqatigiiffiup Costa Crocierip pigisaasa annersaralugu akimanersarigaat. Umiarsuaq Europami takornariartaassuit annersaattut ersersinniarneqartartoq.
* Italiamiut erfalasuannik erfalasoqarpq
* Takissusaa: 290 meter
* Silissusaa: 36 meter
* Ilaasoqarsinnaassusaa: 3700
* Inuttat: 1100
* Ukioq sananeqarfia: 2006
* Akia: Koruunit 3,5 milliardingajaat
Costa Concordiami aamma makku nassaassaagaluarput:
* Nalunnguarfiit katillugit 6000 kvadratmeteriusut (nunarsuarmi takornariartaatit nalunnguartarfiat annerpaaq).
* Timersorfissaq 2000 kvadratmeter.
* Neriniartarfiit arfineq-marluk, imerniartarfiit 13-it qitigiartarfiillu pingasut.
* Naluttarfiit sisamat.
* Nunarsuarmi takornariartaatini filmertarfiit annersaat.