Maanngaanniit Dronningimut aalaterisinnaavutit
Københavnimiikkaanni piffissaqarlunilu, sapaatip akunnerata naanerani uani sumiiffinnit arlalinnit Dr. Margrethe aalateriffigineqarsinnaavoq
Dronning Margrethe sutigut tamatigut nalliuttorsiutigineqarpoq arfininngornermi sapaammilu ukiuni 40-ni dronningitut issiasimanera pillugu. Uani takusinnaavat qanoq nalliuttorsiutigineqassanersoq:
Ullumi arfininngornermi kunngikkormiut Roskilde Domkirkemi Dr. Ingridip aamma Frederik den 9.'p ilerrinik kransiliiartorput. Kingusinnerusukkut Dr. Margrethe Amalienborgimit Københavnip Rådhusianut ingerlaarpoq.
Danskit nalunaaqqutaat naapertorlugu nal. 14.15 kunngikkormiut Københavns Rådhusip aneerasaartarfiannut anillassapput.
Unnummut DR'ip Koncerthusiani kunngikkormiut aliikkusersorneqassapput.
Aqagu sapaammi nal. 10 dronningi Christiansborgimiissaaq statsrådi, naalakkersuisunik ataatsimeeqateqassalluni.
Christiansborg Slot nal. 10.40: Naalakkersuisut aamma Folketingi dronningimut tunissuteqassapptu.
Amalienborg, nal. 12.00: Amalienborgimik paarsisut nikissaapput, kunngikkormiullu aneerasaartarfimmit inunnut aalaterissapput.
Amalienborg, nal. 12.45: Kunngissaq qaaqqusanut nunanut allaneersunut nerisitsissaaq.
Christiansborg Slot, nal. 15.00: Christiansborg Slotip oqaluffiani nalliuttorsiornermi naalagiaqatigiinneq.
Christiansborg Slot, nal. 20.00: dronning Margrethe, Christiansborgimi Danmarkip sinniisaanut, qaaqqusanut nunanit allaneersunut aamma ilaquttanut nerersuartitsissaaq.