Itsartut inuusut aliortuatitsipput
Kalaallit Nunaannik ilisimasaqarluartoq H.C. Petersen inuit arlaqartut assigalugit isumaqarluinnarpoq Saqqisikuimmi itsartut inuusunik isertortunik inuusoqartoq
Juulli siorna Tunumi itsarsuartut inuusut pillugit nittartakkami matumani AG'imit allaaserisaqaratta, inuppassuarnit oqaaseqarfigineqarpoq.
Sammisarput inuppassuarnit soqutigineqarnera qularnanngilaq naak tamarmik isumaqataanngikkaluit.
Ilisimatuut isumaqarput Saqqisikuiup eqqaani inunnik isertortumik inuusoqarneranik oqaluttuat tunngavissaqanngitsut. Aammali inuit arlaqartut ilaatigut Amnesty Internationalimi siulittaasoq, Roland Thomsen, isumaqarpoq inuiaqatigiinnguit isertortumik inuusut takusimallugit 1980'ikkut aallartinneranni ukiumi ataatsimi maannakkut nunaqarfiusimasumi matuneqarsimasumi Saqqisikuimmi inuunermini.
H. C. Petersen, ilisimatuussutsikkut arlalinnik atuakkiorsimasoq ukiorpassuarnilu nunatta oqaluttuassarisaaneranik aallutaqartoq qularuteqanngilaq: Itsartut inuusunik inoqarpoq.
Kalaallit Nunaanni itsartut inuusunik inoqarnersoq nalunngiliuk? Oqaluttuat upperaagit? Imaluunniit qanoq isumaqarpit? Isummersoqataasinnaavutit.
Sapaatip akunnerani uani AG pisiariuk, suna tunngavigalugu H. C. Petersen Tunumi ilisimanngisatsinnik inoqarneranik upperinninneranut tunngavilersuutaa tamakkiisoq atuarlugu – aamma aviisi qarasaasiannit atuarsinnaanngorlugu ugguuna pisiarisinnaavat: